मुंबईत ग्रंथालय
पुरस्कार वितरण
मुंबई, ता. ११ : राज्य सरकारच्या वतीने देण्यात येणाऱ्या ‘डॉ. बाबासाहेब आंबेडकर उत्कृष्ट सार्वजनिक ग्रंथालय पुरस्कार’ व ग्रंथालय चळवळीतील कार्यकर्ता व सेवक आणि ‘डॉ. एस. आर. रंगनाथन उत्कृष्ट ग्रंथालय कार्यकर्ता व सेवक (ग्रंथमित्र) पुरस्कार’ याचे वितरण मंगळवारी (ता. १२) दुपारी ४ वाजता एसएनडीटी विद्यापीठाच्या सर सीताराम तथा लेडी शांताबाई पाटकर सभागृहात संपन्न होणार आहे. या पुरस्कार प्रदान कार्यक्रमाच्या अध्यक्षस्थानी उच्च व तंत्रशिक्षण मंत्री चंद्रकांत पाटील हे असणार आहेत. तसेच पुरस्कार वितरण उपमुख्यमंत्री एकनाथ शिंदे यांच्या हस्ते होणार आहे. प्रमुख अतिथी म्हणून राज्य विधानसभा अध्यक्ष ॲड. राहुल नार्वेकर यांची उपस्थिती राहणार आहे, असे ग्रंथालय संचालनालयाचे प्र. ग्रंथालय संचालक अशोक गाडेकर यांनी सांगितले.