महडमध्ये भाविकांची मंदियाळी
खोपोली (बातमीदार)ः श्रावण महिन्यात अंगारकी चतुर्थी आल्याने महड येथील वरदविनायकाच्या दर्शनासाठी पहाटेपासूनच दाखल झाले. भाविकांना गैरसोय निर्माण होऊ नये, यासाठी गणपती संस्थान विश्वस्त मंडळ, गावकरी, व्यवस्थापन समिती सहित खालापूर पोलिसांकडूनही ही प्रभावी नियोजन करण्यात आले होते. वाहतूक नियोजन, वाहन पार्किंगसहित शिस्तबद्धपणे वरदविनायकाचे दर्शन मिळण्यासाठी व्यवस्था करण्यात आली. सभामंडपात भव्य फुलांची रांगोळी काढली गेली होती.