चेना गावाजवळ घोडबंदर मार्ग ठप्प
रस्त्यावर पाणी साचल्याने वाहनांची रांग
सकाळ वृत्तसेवा
ठाणे, ता. १७ : दिवसभर सुरू असलेल्या संततधार पावसामुळे मिरा-भाईंदर महापालिका हद्दीतील चेना गावाजवळ शनिवारी (ता. १६) रात्री दहाच्या सुमारास रस्त्यावर पाणी साचले. ठाण्यावरून भाईंदर दिशेला मार्ग पाण्याखाली गेल्यामुळे त्याचा परिणाम शहरातील वाहतुकीवर झाला. वाहतुकीची गती धीमी झाल्यामुळे वाहनांची रांग गायमुख चौपाटीपर्यंत पोहाेचली असल्याची माहिती ठाणे वाहतूक विभागाचे उपायुक्त पंकज शिरसाठ यांनी दिली.
चेना गाव येथून जाणाऱ्या घोडबंदर मार्गावर सध्या एकच मार्गिका सुरू आहे. तीही पाण्यात गेल्याने ठाण्याहून भाईंदर दिशेला जाणारी वाहतूक ठप्प झाली हाेती. वाहतूक सुरळीत करण्यासाठी वाहतूक विभागाचे रात्री उशिरापर्यंत प्रयत्न सुरू होते.