अपघाती विमा दाव्याचा निपटारा
रंजना माधवी यांना १.१५ कोटी सुपूर्द
बोईसर ता. १७ (बातमीदार) : ग्राहक कल्याणाला प्राधान्य देणारी आणि विश्वासार्ह बँक म्हणून ओळखली जाणारी युनियन बँक ऑफ इंडियाने शुक्रवारी स्वातंत्र्यदिनाच्या निमित्त पालघर येथे आयोजित कार्यक्रमात आपल्या सामाजिक जबाबदारीचे उदाहरण सादर केले. ऑक्टोबर २०२३ मध्ये जिल्हा परिषद पालघर आणि बँकेदरम्यान झालेल्या सामंजस्य कराराअंतर्गत, कर्मचाऱ्यांना पगार खात्यासोबत जीवन विमा, अपघाती विमा आणि आरोग्य विमा सुविधा देण्यात आली आहे. या कराराचा लाभ म्हणून, बँकेचे ग्राहक स्व. विलास दत्तू माधवी यांच्या पत्नी श्रीमती रंजना विलास माधवी यांना रु. १.१५ कोटी अपघाती मृत्यू दाव्याची रक्कम सुपूर्द करण्यात आली. अपघाती विमा दाव्याचा निपटारा करण्यात आल्याने रंजना माधवी यांना दिलासा मिळाला आहे.

ग्राहकांच्या सुरक्षेचे संरक्षण
या कार्यक्रमाला जिल्हा परिषद मुख्य कार्यकारी अधिकारी मनोज रानडे, जिल्हा परिषदेचे मुख्य लेखा व वित्त अधिकारी सचिन कवठे, युनियन बँक ऑफ इंडियातर्फे रवी रंजन, सावन शिव, युनियन बँक ऑफ इंडियाचे उपक्षेत्र प्रमुख तसेच वरिष्ठ अधिकारी उपस्थित होते. युनियन बँक ऑफ इंडिया अपघाती मृत्यू दाव्यांचा त्वरित व पारदर्शक निपटारा करून केवळ बँकिंग सेवा नव्हे, तर ग्राहकांच्या आर्थिक व वैयक्तिक सुरक्षेसाठीही मजबूत संरक्षण पुरवत आहे.