मुख्यमंत्र्यांनी घेतले
‘साम’च्या गणरायाचे दर्शन
मुंबई, ता. ३० ः मुख्यमंत्री देवेंद्र फडणवीस यांनी शनिवारी ‘साम’ टीव्हीच्या कार्यालयातील गणरायाचे दर्शन घेतले. सर्वांच्या आयुष्यात सुख-समृद्धी, भरभराट येवो, अशी प्रार्थना त्यांनी गणरायाकडे केल्याचे या वेळी सांगितले.
मुख्यमंत्री फडणवीस शनिवारी दुपारी बीकेसीतील ‘साम’ टीव्हीच्या कार्यालयात दाखल झाले. सकाळ माध्यम समूहाचे मुख्य संपादक नीलेश खरे यांनी त्यांचे स्वागत केले. फडणवीस यांच्या हस्ते गणरायाचे पूजन करून आरती करण्यात आली. त्यानंतर त्यांनी ‘साम’ टीव्हीतील कर्मचाऱ्यांशी संवाद साधला. यंदाचा गणेशोत्सव हा ‘राज्य महोत्सव’ म्हणून आपण साजरा करीत आहोत. गणेशोत्सव हा सामाजिक अभिसरणाचा महोत्सव आहे. सर्व समाजांतील लोक एकत्र येत हा सण साजरा करतात. या माध्यमातून सामाजिक संघटन विकसित होते. समाजात आध्यात्मिक शक्ती निर्माण होते. गणराय ही बुद्धीची देवता आहे. त्यामुळे सर्वांना सुबुद्धी देवो, अशी प्रार्थना केल्याची भावना फडणवीस यांनी या वेळी व्यक्त केली.
---
फोटो - MUM25F05040