पालघर, ता.१५ ः दुचाकीमुळे अंगावर चिखल उडाल्याच्या वादातून धनानी नगर परिसरात हाणामारी झाल्याचा प्रकार घडला आहे.
याप्रकरणी बोईसर पोलिस ठाणे क्षेत्रात रविवारी रात्री अकराच्या सुमारास हा प्रकार घडला आहे.
आशिष मित्रासह धनानी नगर येथे आपल्या घरी जात होता. याचवेळी रस्त्यावरील चिखल अनपेक्षितपणे उडून अमन यादवच्या अंगावर उडाला. याचा राग मनात ठेवून अमनने त्याचे पाच साथीदारांना धनानीनगर नाक्यावर रोखले. यावेळी अमनने अंगावर चिखल का उडवलास, यावरून आशिषला शिवीगाळ करायला सुरुवात केली. तसेच वृषभ सिंग, विवेक वर्मा, लखन मिश्रा, सुशील ऊर्फ अमन सिंग आणि अमन चोहानने मारहाण करायला सुरुवात केली. या मारहाणीमध्ये आशिषच्या पाठीवर, गुडघ्यावर जबर दुखापत झाली. या प्रकरणी बोईसर पोलिसांनी रविवारी भारतीय न्याय संहितेच्या विविध कलमानुसार गुन्हा दाखल केला आहे.