दिशाच्या घरांवर गोळीबार करणारे चकमकीत ठार

लखनौ, ता. १७ ः बॉलीवूड अभिनेत्री दिशा पटानीच्या उत्तर प्रदेशमधील घरावर गोळीबार करणारे दोघे उत्तर प्रदेश स्पेशल टास्क फोर्स (एसटीएफ) नोएडा युनिट आणि दिल्ली गुन्हे शाखेसोबत गाझियाबादच्या ट्रोनिका सिटीमध्ये बुधवारी (ता. १७) झालेल्या चकमकीत ठार झाले. चकमकीत जखमी झाल्यावर आरोपींना रुग्णालयात दाखल केले होते, पण त्यांचे प्राण वाचू शकले नाहीत.
गेल्या आठवड्यात दिशाच्या घरावर गोळीबार झाला होता. अधिकाऱ्यांनी दिलेल्या माहितीनुसार, दोघेही रोहित गोदारा-गोल्डी ब्रार टोळीचे सदस्य होते. बरेली कोतवाली पोलिस ठाण्यात गोळीबारप्रकरणी गुन्हा दाखल होता. मुख्यमंत्री योगी आदित्यनाथ यांनी या प्रकरणात तत्काळ लक्ष घालून गुन्हेगारांवर कारवाईचे आदेश दिले होते. दरम्यान, ठार झालेल्या दोघांची ओळख पटली असून, त्यांच्यापैकी रवींद्र हा रोहतकचा रहिवासी आहे, तर अरुण हा हरियानातील सोनीपतचा रहिवासी आहे. वरिष्ठ पोलिस अधिकारी अनिताभ यश यांनी सांगितले की, पोलिसांनी सीसीटीव्ही चित्रणासह इतर पुराव्यांच्या आधारे आरोपींचा माग काढला. गुप्त माहिती गोळा केली आणि शेजारील राज्यांमधील नोंदीशी जुळवणी केली असता त्यांचा माग काढणे शक्य झाले.