छताचे प्लास्टर कोसळून तरुणी जखमी

भाईंदर, ता. २९ (बातमीदार) : मिरा रोड येथील शितलनगर भागात एका सदनिकेच्या छताचे प्लास्टर कोसळून १८ वर्षीय तरुणी जखमी झाली. सोमवारी (ता. २९) सकाळी पावणेनऊच्या सुमारास ही घटना घडली. शीतल प्लाझा या इमारतीमधील पहिल्या मजल्यावरील एक सदनिकेच्या छताचा काही भाग कोसळला. त्यात एक १८ वर्षीय तरुणी जखमी झाली. महापालिकेच्या अग्निशमन दलाने सदनिका रिकामी करून बंद केली आहे. दरम्यान, या इमारतीचे स्ट्रक्चरल ऑडिट करण्यात आले होते, त्यानंतर महापालिकेने नोटीस बजावून इमारत दुरुस्त करून घेण्याबाबत सोसायटीला सांगितले होते.