हॉटेल कर्मचाऱ्याचा आकस्मिक मृत्यू
कर्जत, ता.४ (बातमीदार)ः तालुक्यातील मांडवणे येथील एका पंचतारांकित हॉटेलमध्ये एका युवकाचा मृत्यू झाला आहे. याप्रकरणी कर्जत पोलिस ठाण्यात गुन्हा दाखल करण्यात आला आहे.
सॉल्ट हॉटेल रिसॉर्टमध्ये समीर करवंदे (वय ३३) हाऊसकीपिंग विभागात दीड वर्षांपासून कार्यरत होता. काही साहित्य आणण्यासाठी रूममध्ये गेला होता. मात्र, काही वेळाने त्याच्या सहकाऱ्याला जमिनीवर पडलेला आढलेला. तातडीने त्याला कर्जत उपजिल्हा रुग्णालयात हलवण्यात आले. मात्र डॉक्टरांनी तपासणीअंती मृत घोषित केले. त्याच्या मृत्यूच्या कारणाबाबत अद्याप स्पष्टता झालेले नाही. शवविच्छेदन अहवालानंतर मृत्यूचे नेमके कारण समोर येणार आहे, असे डॉक्टरांनी सांगितले. या घटनेची माहिती मिळताच समीर करवंदेचे नातेवाईक मोठ्या संख्येने रुग्णालयात दाखल झाले. पोलिसांनी प्राथमिक चौकशी सुरू केली असल्याची माहिती पोलिस उपनिरीक्षक किरण नवले यांनी दिली.