ठाण्यात सोनसाखळी चोरीच्या दोन घटना
अडीच तोळ्यांचा ऐवज लांबवला
सकाळ वृत्तसेवा
ठाणे, ता. २३ : एकाच पोलिस ठाण्याच्या हद्दीत आणि अवघ्या पाच मिनिटांच्या अंतराने दुचाकीवरून आलेल्या चोरट्यांनी धूमस्टाइलने दोघांच्या सोनसाखळी चोरल्या. या दोन्ही घटनांमध्ये चोरट्यांनी एकूण एक लाख ४० हजार रुपये किमतीच्या सुमारे अडीच तोळ्यांच्या सोन्याच्या तुटलेल्या साखळ्या हिसकावून पोबारा केला.
पहिल्या घटनेत तुळशीधाम परिसरात राहणारे ज्ञानेश्वर डोईफोडे (४८) हे शुक्रवारी (ता. १९) रात्री सव्वानऊ वाजण्याच्या सुमारास शतपावली करीत असताना त्यांच्या मागून आलेल्या चोरट्यांनी त्यांच्या गळ्यातील सोन्याची साखळी जबरदस्तीने खेचली. ही साखळी अर्धवट तुटल्याने चोरट्यांनी ८० हजार रुपये किमतीची दीड तोळ्याची चेन घेऊन पळ काढला.
दुसऱ्या घटनेत अवघ्या पाच मिनिटांनी रात्री नऊ वाजून २० मिनिटांनी खेवरा सर्कलकडून हॅप्पी व्हॅलीवर दुसरे तक्रारदार राज मढवी (२९) यांच्या गळ्यातील साखळी दुचाकीवरील चोरट्यांनी हिसकावली. या घटनेतही साखळी अर्धवट तुटली. चोरट्यांनी ६० हजार रुपये किमतीची एक तोळ्याची साखळी घेऊन पोबारा केला. एकाच वेळी आणि एकाच परिसरात झालेल्या या दोन घटनांमुळे नागरिकांमध्ये भीतीचे वातावरण आहे. याप्रकरणी चितळसर पोलिस ठाण्यात गुन्हा दाखल करण्यात आला असून, पुढील तपास वरिष्ठ पोलिस निरीक्षक सुनील वरुडे यांच्या मार्गदर्शनाखाली सुरू आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.