नृत्यातून उलगडली स्त्री अत्याचाराची वस्तुस्थिती
प्रभादेवी : प्रभादेवीत आयोजित केलेल्या सांस्कृतिक कार्यक्रमातून लहान मुलांनी हृदयस्पर्शी नृत्य सादर करत नृत्यातून स्त्रियांवर होणारे अत्याचार थांबणार कधी, याची वस्तुस्थिती मांडून उपस्थितांचे लक्ष वेधले.
प्रभा विनायक सोसायटीच्या वतीने प्रभादेवी येथे सांस्कृतिक कार्यक्रमांचे आयोजन करण्यात आले होते. यात लहान मुलांसाह तरुणांनी वेशभूषा, सोलो नृत्य, ग्रुप नृत्य सादर करून मनोरंजन केले.
या वेळी मास्टर ऑफ प्रभा विनायक या घेण्यात आलेल्या स्पर्धेतील विजेत्यांना झी मराठीवर गाजणारी लक्ष्मी निवास या मालिकेचे सहनिर्माते राकेश राऊत यांच्या हस्ते पारितोषिक देऊन गौरविण्यात आले.
या वेळी मंडळाचे पदाधिकारी अचल केणी, जुड हेनरिक्स, ऋषिकेश पंडित, स्वरूप घाग, अखिल बंडबे, आराध्य कोरगावकर आदी उपस्थित होते. या कार्यक्रमातून माझ्या बालपणीच्या आठवणी ताज्या झाल्या. चाळीतले ते दिवस आठवले सर्व मुलांनी बहारदार कार्यक्रम सादर केला, अशी दाद राकेश राऊत यांनी दिली.