स्केटिंगमध्ये ज्येष्ठाला रौप्य, कांस्यपदक
प्रभादेवी, ता. २ ः मुंबईत सहा ते आठ वयोगटात घेण्यात आलेल्या ३५व्या महाराष्ट्र राज्य रोलर स्केटिंग चॅम्पियनशिप २०२५ स्पर्धेत ज्येष्ठा पवार हिने एक रौप्यपदक आणि एक कांस्यपदक मिळवून सर्वांची मने जिंकली.
ज्येष्ठा पवार हिने दाखवलेल्या तिच्या कामगिरीबद्दल तिची ६३व्या राष्ट्रीय स्तरावर स्केटिंग चॅम्पियनशिपसाठी (विशाखापट्टणम) निवड झाली आहे. याआधीही ज्येष्ठा हिने जिद्द आणि मेहनतीच्या जोरावर नोएडा, कोलकाता तसेच राष्ट्रीय-आंतरराष्ट्रीय स्तरावर सुवर्ण आणि रौप्यपदकांची कमाई केली होती. तिच्या या यशाबद्दल तिचे नातेवाईक, मित्रपरिवार आणि विविध संस्थांनी कौतुक केले.