खारघरमधील सांगीतिक कार्यक्रम वादात
मद्यपानासाठीची परवानगी नाकारण्याची पत्रातून मागणी
खारघर, ता.१७ (बातमीदार): येथील सेंट्रल पार्कमध्ये होणाऱ्या हिपहॉप फेस्टिव्हलसाठी तात्पुरत्या मद्यपान परवानगी देऊ नये, असे पत्र भाजपचे खारघर शहर उपाध्यक्ष अजित अडसूळ राज्य उत्पादन शुल्क विभागाला दिले आहेत. त्यामुळे हा कार्यक्रम वादात सापडण्याची चिन्हे आहेत.
खारघर येथील सेंटरला पार्कमध्ये २२ आणि २३ नोव्हेंबर रोजी रोलिंग राऊंड इंडिया तर्फे हिप हॉप फेस्टिव्हल होणार आहे. या फेस्टिव्हलमध्ये देश विदेशातील कलाकार येणार असल्याने तरुणांमध्ये उत्साह संचारला आहे. या कार्यक्रमानिमित्त विदेश मद्यविक्री होणार केली जाणार आहे. पण या परिसरातील सेंट्रल पार्क शेजारी इस्कॉन मंदिर, गुरुद्वारा,बंगाली असोसिएशनचा कालीमाता मंदिर आणि सांस्कृतिक केंद्र आणि राघवेंद्र स्वामी मठ अशा धार्मिक ठिकाणांमुळे मद्य विक्रीसाठी दिला जाणारी परवानगीने विद्यार्थ्यांवर विपरीत परिणाम होईल, अशी शक्यता आहे. त्यामुळे या सर्व बाबीचा विचार करून तात्पुरता मद्यपान परवानगी देऊ नये, असे पत्र भाजपचे खारघर शहर उपाध्यक्ष अजित अडसूळ राज्य उत्पादन शुल्क विभागाला दिले आहे.