मोबाईलच्या व्यसनापासून दूर राहण्याची प्रतिज्ञा
मुलुंड, ता. १७ (बातमीदार) ः बालदिनानिमित्त मुलुंडमधील सौ. लक्ष्मीबाई इंग्लिश मीडियम स्कूलमधील विद्यार्थ्यांनी मोबाईलच्या व्यसनापासून दूर राहण्याची प्रतिज्ञा केली. आठवी ते दहावीतील विद्यार्थ्यांनी दररोज रात्री ९ ते १० या वेळेत कोणतेही डिजिटल उपकरण मोबाईल, लॅपटॉप किंवा टेलिव्हिजन न वापरण्याची प्रतिज्ञा केली. शाळेच्या विश्वस्त पूजा कुलकर्णी, अभिषेक कुलकर्णी, प्रज्ञा राजोपाध्ये यांनी उपस्थित राहून विद्यार्थ्यांना प्रोत्साहन दिले. वाढत्या मोबाईल व्यसनामुळे विद्यार्थ्यांच्या एकाग्रतेवर आणि मानसिक आरोग्यावर होणाऱ्या परिणामांची जाणीव ठेवून शाळेचे संचालक प्रसाद कुलकर्णी यांनी या उपक्रमाची कल्पना मांडली.