नाशिकची स्ट्राबेरी नवी मुंबईत दाखल
पावसामुळे पिकाला फटका, चढ्यादराने विक्री
जुईनगर, ता.२०(बातमीदार): मुंबई कृषी बाजार समितीमधील फळ बाजारात स्ट्राबेरीची आवक सुरू झाली आहे. पण यंदा पावसामुळे पिकाला फटका बसल्याने त्याचा उत्पादनावर परिणाम झाला आहे. त्यामुळे चढ्यादराने विक्री होत आहे.
महाबळेश्वर, कोरेगाव, नाशिकमधून स्ट्राबेरी बाजारात येते. सध्या नाशिकमधील स्ट्राबेरी बाजारात येत असून घाऊक बाजारात १५० ते २०० रुपये विक्री होत आहे. किरकोळ बाजारात चांगल्या प्रतीच्या मालाला ८० रुपये प्रति डब्बा तर ३०० रुपयांपर्यंत विक्री होत आहे. महाबळेश्वरची स्ट्राबेरी अद्याप दाखल झाली कोरेगावातील स्ट्राबेरीची थेट विक्री होत आहे. तर नाशिकच्या स्ट्राबेरीचा हंगाम मार्च महिन्यापर्यंत चालतो. मात्र, फेब्रुवारीत हंगाम ९० टक्के संपुष्टात येत असल्याचे व्यापारी सांगत आहेत. पण हल्ली बारा महिने स्ट्राबेरी बाजारात येत असल्याचे व्यापारी सांगतात.
-----------------
आरोग्यदायी फायदे
लिंबापेक्षा अधिक व्हिट्यामीन असलेले फळ असल्याने स्ट्रॉबेरीचे आरोग्यदायी फायदे आहेत. जॅम, जेली, केक, पेस्ट्री, आईसक्रीम, स्मूदी, डेझर्ट आणि ड्राय प्रकारात देखील वापरली जात फळाला वर्षभर मागणी असल्याचे व्यापारी चंद्रकांत घोगरे यांनी सांगितले.