एमआयडीसीचे कार्यालय रामभरोसे
अग्निरोधक यंत्रणेची मुदत सपल्याने अपघातांचा धोका
तुर्भे, ता.२२ (बातमीदार): महापेतील एमआयडीसिच्या प्रादेशिक कार्यालयातील आपत्कालीन सुरक्षा रामभरोसे आहे. येथे बसवलेल्या अग्निरोधक यंत्रणेची मुदत २०२३ मध्येच संपली असून प्रशासनाच्या दुर्लक्षामुळे अधिकारी, कर्मचाऱ्यांच्या जीविताला धोका आहे.
नवी मुंबईतील औद्योगिक वसाहतीत आग लागण्याच्या घटना वारंवार घडतात. मात्र, या औद्योगिक वसाहतींचा कारभार एमआयडीसी कार्यालयाची अग्निसुरक्षाच वाऱ्यावर सोडली आहे. येथील अग्निरोधक यंत्रे कालबाह्य झाली आहे. त्यामुळे आग लागली तर नियंत्रण मिळवणे अवघड होणार आहे. त्यामुळे अग्निशामक नियमांचे उल्लंघन एकीकडे होत असताना दुसरीकडे कामानिमित्त येणाऱ्या शेकडो लोकांची सुरक्षेवर प्रश्नचिन्ह उपस्थित झाला आहे. याबाबत कार्यकारी अभियंता शंकर आव्हाड यांच्या संपर्क केला असता कोणताही प्रतिसाद मिळाला नाही.