वाडा (बातमीदार) ः मुंबई येथील उत्कर्ष मिशन या सेवाभावी संस्थेच्या पुढाकाराने व आर्थिक सहकार्यातून रोटरी क्लब ऑफ ठाणे वेस्ट चॅरिटी ट्रस्ट यांच्या आर्थिक योगदानातून सहभागी लाभार्थी शेतकऱ्यांकडून निधी एकत्रित करून रविवारी (ता. २३) गायगोठा येथे भातकापणी यंत्राचे (रिपर) वितरण करण्यात आले. यांत्रिकीकरणामधून शेतीमधील केल्या जाणाऱ्या कष्टाच्या कामाची तीव्रता कमी होऊन ते काम सहज व सोपे व्हावे, त्याचबरोबर पिकामध्ये दर्जा, गुणवत्ता टिकून राहावी, हा यामागील हेतू आहे, असे उत्कर्ष मिशनचे ट्रस्टी दीपक खेडेकर यांनी सांगितले.