शहापूरमध्ये अज्ञात व्यक्तीची हत्या
शहापूर, ता. २६ (वार्ताहर) ः शहरालगतच्या चेरपोली गावाच्या हद्दीत अज्ञात व्यक्तीची हत्या झाल्याची घटना घडली आहे. अर्धवट जळलेल्या व मृतदेहावर दगड रचून ठेवण्यात आले आहेत. कुजलेल्या अवस्थेत एका ३० ते ४० वर्षे वयाच्या व्यक्तीचा मृतदेह नाशिक-मुंबई महामार्गावर चेरपोली गावच्या हद्दीत आढळला आहे. पोलिसांना हत्येचा संशय असल्याने याप्रकरणी शहापूर पोलिस ठाण्यात हत्येचा गुन्हा दाखल करण्यात आला आहे. मृतदेहाची ओळख अद्याप पटली नाही. शवविच्छेदनासाठी मृतदेह मुंबईच्या जे. जे. रुग्णालयात पाठविण्यात आला असल्याचे पोलिस निरीक्षक मुकेश ढगे यांनी सांगितले.