आदिवासी महिलांना साडीवाटप
घाटकोपर, ता. २९ (बातमीदार) ः सामाजिक बांधिलकी जपत आई-बाबा फाउंडेशनतर्फे कै. संताजी गायकवाड यांच्या पुण्यतिथीनिमित्त पेण तालुक्यातील आदिवासीवाडी गावातील महिलांना साड्यांचे वाटप करण्यात आले. संस्थेचे संस्थापक योगेश मौर्य यांच्या अध्यक्षतेखाली हा उपक्रम पार पडला. गावातील महिलांना साडी देत त्यांच्या चेहऱ्यावर हास्य फुलवण्याचा प्रयत्न करण्यात आला. या वेळी मुन्ना ठाकूर, जितेंद्र तावरे, रवी गुंजाळ, सिद्धेश भोसले, प्रतीक मांजरेकर यांच्यासह संस्थेचे पदाधिकारी व कार्यकर्ते उत्साहात उपस्थित होते.