मच्छी विक्रेत्या महिलेलेचे दीड लाख चोरीला
सकाळ वृत्तसेवा
ठाणे, ता. ८ : एका मच्छी विक्रेता महिलेचे दीड लाखांची रोकड चोरीला गेल्याची घटना कोपरी परिसरातून समोर आली आहे. याप्रकरणी कोपरी पोलिस ठाण्यात चोरट्याविरोधात गुन्हा दाखल झाला आहे.
कोलशेत येथील नंदा सपकाळ (८३) यांनी दिलेल्या तक्रारीनुसार, त्या आणि त्यांची सून कोपरी येथे मच्छी विक्री करतात. रविवारी (ता. ७) नेहमीप्रमाणे सकाळी त्या एकट्याच मासे विक्री करण्याकरीता गेल्या. मासे विक्रीनंतर दीड लाखांची रोकड जमा झाली होती. दुपारी दीड वाजण्याच्या सुमारास नंदा सपकाळ मानलेला भाऊ विनायक जाधव यांच्याशी बोलण्यात व्यस्त होत्या. यावेळी एक तरुण मासे ठेवलेल्या ठिकाणी घुटमळत होता. नंदा मासे विक्रीच्या ठिकाणी आल्यावर बास्केटमधील पांढऱ्या प्लॅस्टिकच्या पिशवीमधील पाचशे रुपयांच्या ३०० नोटा ठेवल्या होत्या. ती पिशवी मिळून न आल्याने नंदा यांनी कोपरी पोलिस ठाण्यात तक्रार दाखल केली.