मच्छीमारांसमोर आव्हानांवर इंडोनेशियात चर्चा
पालघर, ता. ११ (बातमीदार) ः इंडोनेशियातील सुराबाया येथे ४ ते ७ डिसेंबर कालावधीत मच्छीमारांसाठी दोन दिवस चर्चासत्र घेण्यात आले. या चर्चासत्रामध्ये भारत, पाकिस्तान, श्रीलंका, फिलिपाइन्स, मालदीव, थायलंड, इंडोनेशिया देशातील प्रतिनिधींनी सहभाग घेतला आहे.
किनाऱ्यावर झपाट्याने वाढणारे मोठे प्रकल्प आणि व्यापारी बंदरांमुळे जगभरातील मच्छीमार समुदाय विस्थापित होत आहे. मासेमारी दिवसेंदिवस कठीण होत चालली आहे. अशीच परिस्थिती राहिली एक दिवस मासेमारीच बंद होऊन अनेकांवर उपासमारीची वेळ येईल. त्यामुळे मच्छीमारांनी भविष्यातील आव्हानांचा सामना करण्याबाबतची चर्चा करण्यात आली. या वेळी किनारी देशांमध्ये कोस्टल राईट्स अ‍ॅक्ट लागू करण्यात यावा, अशी मागणी नॅशनल फिशरमन वर्कचे अध्यक्ष रामकृष्ण तांडेल यांनी केली.