ज्येष्ठ नागरिकाची लाखोंची फसवणूक
नवी मुंबई, ता. १६ (वार्ताहर) : सानपाड्यातील ७१ वर्षीय ज्येष्ठ नागरिकाला दहशतवादी संघटनेशी संबंध असल्याची भीती दाखवून सायबर टोळीने तब्बल ४३ लाख ८० हजारांना लुबाडले आहे. या प्रकरणात फसवणुकीसह आयटी ॲक्टनुसार गुन्हा दाखल आहे.
सानपाडा येथे राहणाऱ्या ७१ वर्षीय ज्येष्ठ नागरिकाला ५ डिसेंबरला एनआय, ईडीचे अधिकारी असल्याचे भासवत संपर्क साधण्यात आला होता. तसेच त्यांच्या आधार कार्डचा गैरवापर झाल्याचे सांगून दहशतवादी संघटनेकरिता पैसे दिल्याची भीती दाखवली गेती. तसेच ४३ लाख ८० हजारांची रक्कम पाठवताना त्यांच्याविरोधात अटक वॉरंट जारी करण्यात येईल, अशी भीती दाखवली. या वेळी ज्येष्ठ नागरिकाने रोख रक्कम दिलेल्या बँक खात्यावर आरटीजीएसद्वारे पाठवून दिली; मात्र ऑनलाइन फसवणूक झाल्याचे लक्षात आल्यानंतर याप्रकरणी सानपाडा पोलिस ठाण्यात तक्रार दाखल केली.