या मुलांचे पालक कोण?

मुंबई, ता. १६ : मनिषा संजय काते (वय १७ वर्षे) ही मुलगी श्री मानव सेवा संघ, सायन या संस्थेत बालकल्याण समिती, मुंबई शहर यांच्या आदेशाने ‘साल्वेशन आर्मी’ या संस्थेतून बदली आदेशावर १७ जून २०२३ मध्ये दाखल झाली आहे. मुलीची आई अनिता संजय काते या कळवा शांती नगर झोपडप‌ट्टी येथे तीन मुलांसह भाड्याच्या घरात राहत होत्या. घरची आर्थिक परिस्थिती बेताची असल्यामुळे मुलीला संस्थेत दाखल केले. त्यानंतर या मुलीच्या आईचा मृत्यू झाला. तसेच वडील बेपत्ता आहेत.
करिना महेश परदेशी (वय २१ वर्षे) ही मुलगी बालकल्याण समिती, मुंबई शहर यांच्या आदेशाने ‘बालिकाश्रम’ दादर मुंबई या संस्थेतून श्री मानव सेवा संघ, सायन या संस्थेत बदली आदेशावर १६ जुलै २०१७ रोजी दाखल झाली आहे. या मुलीची आई (सोनी परदेशी) व वडील (महेश परदेशी) बऱ्याच वर्षांपासून बेपत्ता असल्याने करिनाला आजी (कल्लुबाई परदेशी) यांनी संस्थेत दाखल केले होते. तसेच करिना व तिची मोठी बहीण करिष्मा संस्थेत दाखल झाल्यानंतरदेखील काका-काकू त्यांना भेटण्यास आले नाहीत. कालांतराने मुलीची आजी (कल्लुबाई परदेशी) यांचे निधन झाले.
या दोन्ही मुलींच्या पालकांचा अद्यापपर्यंत शोध लागलेला नाही. पालकांनी या मुलींसाठी श्री मानव सेवा संघ २५५-२५७, सायन मेन रोड, सायन (प.), मुंबई - ४०० २२ (दूरध्वनी क्र. ०२२ ६२६३६४६५/५१) येथे संपर्क साधण्याचे आवाहन केले आहे.