रियल ॲकॅडमी दिनदर्शिकेचे प्रकाशन उत्साहात
वाडा, ता. २९ (बातमीदार) : ग्रामीण भागात शैक्षणिक क्षेत्रात उल्लेखनीय कार्य करणाऱ्या वाड्यातील ''रियल ॲकॅडमी''च्या सन २०२६ च्या वार्षिक दिनदर्शिकेचे प्रकाशन खासदार हेमंत सवरा यांच्या हस्ते उत्साहात करण्यात आले. सोहळ्याला पालघर लोकसभा सहप्रभारी बाबाजी काठोळे, भाजप जिल्हा उपाध्यक्ष संदीप पवार, रियल ॲकॅडमीचे संचालक शशांक ठाकरे व विशाल ठाकरे उपस्थित होते.
ग्रामीण भागातील विद्यार्थ्यांना गुणवत्तापूर्ण शिक्षण देण्यासोबतच त्यांच्यात संस्कार व प्रेरणा निर्माण करण्याचे कार्य ही संस्था सातत्याने करत आहे. ही दिनदर्शिका विद्यार्थ्यांसाठी वर्षभर मार्गदर्शक ठरेल, असा विश्वास यावेळी मान्यवरांनी व्यक्त केला आणि संस्थेच्या भावी वाटचालीस व विद्यार्थ्यांना शुभेच्छा दिल्या.