भिवंडी, ता. ३० (वार्ताहर) : भिवंडी महापालिका निवडणुकीसाठी मागील आठवड्यापासून सुरू असलेल्या नामनिर्देशन अर्ज प्रक्रियेच्या अंतिम टप्प्यात सोमवारी (ता. २९) ३९१ अर्जांची विक्री झाली, तर २५४ उमेदवारांनी नामनिर्देशन अर्ज दाखल केले आहेत, अशी माहिती भिवंडी महापालिका निवडणूक निर्णय अधिकारी कार्यालयाकडून देण्यात आली आहे.
महापालिकेअंतर्गत कार्यरत सात निवडणूक निर्णय अधिकारी कार्यालयांमध्ये ही प्रक्रिया राबविण्यात आली. निवडणूक निर्णय अधिकारी क्रमांक १ यांच्या कार्यालयातून ३६ नामनिर्देशन अर्जांची विक्री झाली असून, ११ उमेदवारांनी अर्ज दाखल केले आहेत. क्रमांक २ कार्यालयातून ५५ अर्जांची विक्री झाली असून, २२ उमेदवारी अर्ज दाखल झाले आहेत. क्रमांक ३ कार्यालयातून ११४ अर्जांची विक्री झाली असून २५ अर्ज दाखल करण्यात आले आहेत.
निवडणूक निर्णय अधिकारी क्रमांक ४ कार्यालयातून ७१ अर्जांची विक्री झाली असून, सर्वाधिक ८९ उमेदवारी अर्ज दाखल झाले आहेत. क्रमांक ५ कार्यालयातून ३४ अर्जांची विक्री झाली असताना ५२ अर्ज दाखल करण्यात आले आहेत. क्रमांक ६ कार्यालयातून ३९ अर्जांची विक्री झाली असून ४३ अर्ज दाखल झाले आहेत. निवडणूक निर्णय अधिकारी क्रमांक ७ कार्यालयातून ४२ अर्जांची विक्री झाली असून, १२ उमेदवारांनी नामनिर्देशन अर्ज दाखल केले आहेत. नामनिर्देशन प्रक्रियेच्या अंतिम दिवसांमध्ये उमेदवारांची गर्दी वाढत असून, आगामी महापालिका निवडणुकीच्या पार्श्वभूमीवर राजकीय हालचालींना वेग आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.