जनसुविधा निधीतून विकासकामे
रायते-पिंपळोली ग्रामपंचायतीत दहा लाख रुपयांच्या कामांचे उद्‍घाटन
मुरबाड, ता. ३ (वार्ताहर) : रायते-पिंपळोली ग्रुप ग्रामपंचायतीच्या हद्दीत जनसुविधा निधीअंतर्गत दहा लाख रुपयांच्या पेव्हर ब्लॉक बसविण्याच्या कामांचे उद्‍घाटन शनिवारी (ता. ३) पार पडले. हे काम रायतेगाव व पिंपळोली गावात करण्यात येणार आहे. याप्रसंगी ग्रामपंचायतीच्या सरपंच समिता सुरोशी यांच्या हस्ते करण्यात आले.
या वेळी उपसरपंच मयूर सुरोशी, माजी सरपंच संतोष सुरोशी, शाखाप्रमुख भास्कर टेंभे, ग्रामपंचायत सदस्य सुभाष जाधव, यतिन बुटेरे, विशाल घावट, हेमंत सुरोशी, विजय सुरोशी आदी उपस्थित होते. समाजसेवक बाळाराम रोहणे, पिंपळोलीचे पोलिस पाटील भारती रोहणे, राजाभाऊ रोहणे, संतोष मुरबाडे, हरदास रोहणे, गणेश झांजे यांच्यासह रायते येथील संजय सोनावळे, अविनाश सोनावळे, जयवंत सोनावळे, निशा सोनावळे, नरेश चौधरी आदी मान्यवर उपस्थित होते. जनसुविधा निधीअंतर्गातील या विकासकामांमुळे गावातील अंतर्गत रस्त्यांची समस्या दूर होऊन नागरिकांना अधिक सोयीस्कर सुविधा मिळणार असल्याची भावना या वेळी व्यक्त करण्यात आली.