पालिकेच्या शिक्षकांचा महा-टीईटीत डंका
कल्याण, ता. १९ (वार्ताहर) : महा-टीईटी निकालात कल्याण-डोंबिवलीतील पालिका शाळांमधील तब्बल ६० टक्के शिक्षक पहिल्याच प्रयत्नात उत्तीर्ण झाले आहेत. दैनंदिन शालेय कामकाज आणि अध्यापन सांभाळून या शिक्षकांनी २३ नोव्हेंबर २०२५ रोजी परीक्षा दिली होती. राज्याचा या परीक्षेचा सरासरी निकाल केवळ तीन ते चार टक्के लागत असताना, कल्याण-डोबिंवलीच्या ३५ पैकी २१ शिक्षक उत्तीर्ण झाले आहेत. उत्तीर्ण २१ पैकी ५ शिक्षकांनी इयत्ता पहिली ते पाचवी आणि सहावी ते आठवी असे दोन्ही पेपर एकाच वेळी उत्तीर्ण होण्याची किमया साधली आहे. या यशात प्रशासन अधिकारी भारत बोरनारे आणि शिक्षणाधिकारी विजय सरकटे यांच्या सातत्यपूर्ण प्रोत्साहनाचा मोठा वाटा असल्याचे शिक्षकांनी सांगितले