शिवसैनिकांकडून बाळासाहेब ठाकरे यांना अभिवादन
घाटकोपर, ता. २४ (बातमीदार) : शिवसेना उद्धव बाळासाहेब ठाकरे पक्षाच्या शाखा क्रमांक १२७च्या वतीने हिंदुहृदयसम्राट बाळासाहेब ठाकरे यांच्या जयंतीनिमित्त शाखा कार्यालयात त्यांच्या प्रतिमेचे पूजन करून भावपूर्ण अभिवादन करण्यात आले.
हा अभिवादन कार्यक्रम विभागप्रमुख सुरेश पाटील यांच्या मार्गदर्शनाखाली पार पडला. या वेळी प्रभाग क्रमांक १२७च्या नगरसेविका स्वरूपा पाटील, शाखाप्रमुख संजय कदम, स्मिता शिर्सेकर यांच्यासह शाखेचे महिला व पुरुष पदाधिकारी, शिवसैनिक, युवासैनिक तसेच अनेक कार्यकर्ते मोठ्या संख्येने उपस्थित होते. कार्यक्रमादरम्यान उपस्थित मान्यवरांनी हिंदुहृदयसम्राट बाळासाहेब ठाकरे यांच्या कार्याचा, विचारांचा व मराठी माणसासाठी केलेल्या योगदानाचा गौरव करत त्यांच्या आठवणींना उजाळा दिला. संपूर्ण कार्यक्रमात शिवसेनेच्या विचारसरणीप्रती निष्ठा आणि बाळासाहेबांप्रती आदरभाव व्यक्त करण्यात आला.