Latest Marathi News Live Update : ‘सीएनएन’वर ट्रम्प यांची टीका

‘सीएनएन’वर ट्रम्प यांची टीकाइराणचे सर्वोच्च नेते मोज्तबा खामेनेई यांच्या भाषणाचा काही भाग प्रसारित केल्यामुळे अमेरिकेतील डोनाल्ड ट्रम्प प्रशासनाने ‘सीएनएन’ या वृत्तवाहिनीवर तीव्र टीका केली. ‘सीएनएन’ने इराणी सरकारी टीव्हीचे चार मिनिटांचे थेट प्रसारण दाखवल्याचा आरोप ‘व्हाइट हाउसने केला आहे.मात्र, खामेनेई यांचे संबंधित वक्तव्य विविध माध्यमांवर आधीच उपलब्ध होते, असे स्पष्टीकरण ‘सीएनएन’ने दिले आहे. युद्धकाळात शत्रू देशांची भूमिका दाखवताना माध्यमांनी खबरदारी घेणे आवश्यक असल्याचे ‘व्हाइट हाउसने म्हटले आहे..मस्कतमध्ये दोन भारतीयांचा मृत्यूमस्कतमधील सोहार सिटीमध्ये आज झालेल्या हल्ल्यात दोन भारतीय मृत्युमुखी पडले असल्याची माहिती परराष्ट्र मंत्रालयाचे आखाती देशांतील अतिरिक्त सचिव असीम महाजन यांनी दिली. या हल्ल्यात एकूण अकरा जण जखमी झाले असून त्यापैकी दहा जण भारतीय आहेत. जखमींपैकी पाच जणांवर उपचार करून त्यांना सुटी देण्यात आली आहे. तर, उर्वरित पाच जण उपचार घेत आहेत. दरम्यान, इराकमधील ‘बसरा’ येथे सेफसी विष्णू जहाजावर ९ मार्च रोजी झालेल्या हल्ल्यात जखमी झालेले मुंबईकर अभियंते देवेंद्रप्रसाद सिंह यांचा मृत्यू झाला आहे..केंद्र सरकारचे लक्ष पुरवठा साखळीवरयुद्धजन्य परिस्थितीमुळे पुरवठा साखळीत येणाऱ्या आव्हानांना तोंड देण्यासाठी केंद्र सरकारने ५७ हजार ३८१ कोटी रुपयांचा आर्थिक स्थिरीकरण निधी तयार केला असल्याचे अर्थमंत्री निर्मला सीतारामन यांनी आज लोकसभेत बोलताना स्पष्ट केले. केंद्र सरकारने संसदेसमोर मांडलेल्या दुसऱ्या पुरवणी मागण्यांवरील चर्चेच्या उत्तरादाखल त्यांनी ही माहिती दिली. ‘एलपीजी’ टंचाईच्या मुद्द्यावर लोकसभेत हौद्यात उतरून विरोधकांची घोषणाबाजी सुरू असताना अर्थमंत्र्यांनी पुरवणी मागण्यावरील चर्चेला उत्तर दिले..जळगाव : खासगी क्लास व हॉटेलमध्ये अल्पवयीन विद्यार्थिनीचे आक्षेपार्ह व्हीडीओ तयार करून ते व्हायरल करण्याची धमकी देत तिचा वारंवार संशयिताने विनयभंग केला. हा प्रकार नोव्हेंबर २०२४ ते फेब्रुवारी २०२६ या कालावधीत सुरू होता. या प्रकरणी पोलिसांनी धुळे येथील संशयित हुजेफ युनूस पिंजारी (वय १९) याच्याविरुद्ध पॉक्सो कलमान्वये गुन्हा दाखल करून त्याला अटक केली आहे..अमेरिका-इस्त्रायल विरुद्ध इराण युद्ध आणि त्या पार्श्वभूमीवर निर्माण झालेले व्यावसायिक गॅस तुटवडामुळे हॉटेल व्यावसायिक अडचणीत आहेत. आर्थिक ताळमेळ बसवताना प्रचंड अडचणी येत आहेत. यामुळे काही हॉटेल व्यावसायिकांनी समोसे आणि तर्री पोहा यांच्या किमती वाढवल्या आहेत. नागपुरातील समोसा उद्यापासून 35 रुपये प्लेट ऐवजी 40 रुपये प्लेटने (दोन समोसे), तर तर्री पोह्याच्या किमतीत पाच रुपये प्लेटने वाढणार आहे. पोहे 35 रुपये प्लेट ऐवजी चाळीस रुपये किमतीने मिळणार आहे..अथणी : उसाच्या शेतात एका महिलेचा गळा आवळून खून केल्याची धक्कादायक घटना उघडकीस आली आहे. सुजाता तेजू पवार (वय ३४, मीळ रा. हारुगेरी, ता. रायबाग, सध्या रा. अथणी) असे तिचे नाव आहे. कुमार कल्लप्पा हवालदार असे संशयित मारेकऱ्याचे नाव आहे..मुंबई : राज्यातील सामाजिक सलोखा कायम राखण्यासाठी आणि प्रलोभन, बळजबरी किंवा फसवणुकीच्या मार्गाने होणाऱ्या धर्मांतराच्या घटनांना पायबंद घालण्याच्या उद्देशाने ‘महाराष्ट्र धर्मस्वातंत्र्य अधिनियम, २०२६’ हे विधेयक गृहराज्यमंत्री पंकज भोयर यांनी विधानसभेत मांडले. .पुणे : नगर रस्त्यावरील वाहतूक कोंडी फोडण्यासाठी उपयुक्त ठरणाऱ्या शिवणे-खराडी रस्त्याच्या भूसंपादनास गती मिळावी, यासाठीचा प्रस्ताव महापालिका प्रशासनाने स्थायी समितीसमोर ठेवला आहे. रस्त्यासाठी आवश्यक जमिनी ताब्यात घेण्यासाठी संबंधित मिळकतधारकांना रोख मोबदला देण्यासाठी निधी उपलब्ध करून देण्याची मागणी संबंधित प्रस्तावाद्वारे करण्यात आली आहे. .- सलग दुसऱ्या दिवशी अमरावतीत सर्वाधिक तापमानाची नोंद, विदर्भातील सहा शहरांचे तापमान 40 अंशांच्या वर - मार्च महिन्याच्या सुरुवातीपासूनच सूर्याचे आग ओकने सुरू झाले असून दिवसाचा पारा झपाट्याने वर गेला आहे - ज्यामुळे विदर्भातील काही शहरांना उष्ण लाटेचा सामना करावा लागत आहे - गुरुवारी अमरावती येथे पारा सरासरीपेक्षा 6.8 अंशाने वाढून 42.2 अंशांवर पोहचला होता - त्यानंतर सलग दुसऱ्या दिवशी अमरावतीत देशातील 41.8 अंश सेल्सियस सर्वाधिक तापमानाची नोंद करण्यात आली- याशिवाय अकोला येथे 41.5, यवतमाळ 40.4, चंद्रपूर जिल्ह्यातील ब्रह्मपुरी 41.4, नागपूर 39.4 अंश सेल्सियस तापमान नोंदविण्यात आले - पश्चिम विदर्भातील शहरांमध्ये दोन दिवस उष्णतेची लाट राहण्याचा अंदाज हवामान विभागाने व्यक्त केला आहे.कोल्हापूर : करवीर निवासिनी श्री अंबाबाई मंदिराचा मुख्य गाभारा उद्यापासून (शनिवार) संवर्धनाच्या कामासाठी बंद राहणार आहे. सलग चार दिवस संवर्धनाची प्रक्रिया होणार असून, देवीच्या मूळ मूर्तीचे दर्शनही बंद राहणार आहे. मूळ मूर्तीचे दर्शन बुधवारपासून (ता. १८) पूर्ववत होणार असल्याची माहिती देवस्थान समितीने दिली..नंदुरबार : जिल्ह्यातील नवापूर ‘एमआयडीसी’त बनावट तूप तयार करणाऱ्या कारखान्यावर स्थानिक गुन्हे शाखेच्या पथकाने छापा टाकला. बनावट तूप व त्यासाठी वापरले जाणारे साहित्य, असा एकूण एक कोटी ४६ लाखांचा मुद्देमाल जप्त करण्यात आला. स्थानिक गुन्हे शाखेचे पोलिस निरीक्षक हेमंत पाटील यांना मिळालेल्या माहितीवरून स्थानिक गुन्हे शाखेचे पथक आणि अन्न व औषध प्रशासन विभागाच्या अधिकाऱ्यांनी ही कारवाई केली. .Latest Marathi Live Updates 14 March 2026 : आखातातील युद्धजन्य परिस्थितीमुळे परदेशात अडकलेल्या नागपूरच्या नागरिकांपैकी २५ पर्यटक सुरक्षितपणे नागपुरात परतले आहेत. जिल्हा प्रशासनाकडून ही माहिती देण्यात आली. आखातातील तणावपूर्ण परिस्थितीमुळे नागपूरचे एकूण ३३ नागरिक परदेशात अडकले होते. हे सर्व नागरिक पर्यटनासाठी परदेश दौऱ्यावर असताना पश्चिम आशियातील परिस्थिती अचानक बिघडली आणि युद्धाला सुरुवात झाली. त्यामुळे त्यांच्या परतीच्या उड्डाणांवर परिणाम झाला आणि ते काही काळ परदेशातच अडकून पडले. या परिस्थितीत अडकलेल्या नागरिकांनी नागपूर जिल्हा प्रशासनाशी संपर्क साधला होता. प्रशासनाने त्यांच्याशी सातत्याने संपर्क ठेवत मदतकार्य सुरू केले. दरम्यान, अडकलेल्या ३३ जणांपैकी २५ पर्यटक सुरक्षितपणे नागपुरात परतले आहेत. उर्वरित नागरिकांपैकी चार जणांची परतीची विमान तिकिटे बुक झाली असून ते लवकरच भारतात परतणार असल्याची माहिती जिल्हा आपत्ती व्यवस्थापन विभागाने दिली आहे.याशिवाय देश-राज्यातील इतर महत्त्वाच्या घडामोडी, वाहतूक कोंडी, राजकीय हालचाली, क्रीडा, मनोरंजन आणि मान्सूनविषयक अपडेट्स यांची सविस्तर माहिती एका क्लिकवर उपलब्ध आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Live Update : ‘सीएनएन’वर ट्रम्प यांची टीका

‘सीएनएन’वर ट्रम्प यांची टीका

Related Stories