आदर्श विद्यालयात शिवजयंती साजरी
विरार (बातमीदार) : विरारजवळील नारिंगी येथील आदर्श विद्यालयात गुरुवारी (ता. १९) शिवजयंती मोठ्या उत्साहात साजरी करण्यात आली. या वेळी विद्यार्थ्यांनी शिवराज्याभिषेक सोहळा सादर केला.
त्याचप्रमाणे ऐतिहासिक शिवकालीन अस्त्र-शस्त्र प्रदर्शन, पोवाडे, नृत्य, शिवगर्जना, लेझीम, लाठी फिरवणे अशा विविध कार्यक्रमांचे विद्यार्थ्यांनी सादरीकरण केले. प्रदर्शनासाठी मिलिंद पाटील, भाग्यश्री राऊत यांनी मार्गदर्शन केले, तर सांस्कृतिक कार्यक्रमासाठी जयवंत पाटील, सतीश भंडारे, श्वेता रॉय यांनी मार्गदर्शन केले. या कार्यक्रमाला मुख्याध्यापिका शोभना कलगुटकर, माध्यमिक विभाग मुख्याध्यापक मंगेश गावड आणि पर्यवेक्षक नीलेश किणी उपस्थित होते.