ठाण्यात पाच अल्पवयीन मुली बेपत्ता
ठाणे : ठाणे शहरातील कासारवडवली, वर्तकनगर, वागळे इस्टेट आणि दिवा परिसरातून पाच अल्पवयीन मुली बेपत्ता झाल्याच्या घटना समोर आल्या आहेत. यामध्ये दोन सख्ख्या चुलत बहिणींचा समावेश असल्याने शहरात खळबळ उडाली आहे. कासारवडवलीतील १२ व १५ वर्षीय बहिणी दुपारी घराबाहेर पडल्यानंतर परतल्या नाहीत. वागळे इस्टेटमध्ये चिकन आणण्यासाठी गेलेली १३ वर्षीय मुलगी, वर्तकनगरमधील १६ वर्षीय मुलगी आणि दिव्यातील १६ वर्षीय विद्यार्थिनी कॉलेजला जाते सांगून बेपत्ता झाली आहे. या सर्व प्रकरणांत फूस लावून पळवून नेल्याचा संशय व्यक्त करत पोलिसांनी अपहरणाचे गुन्हे दाखल केले आहेत. एकाच वेळी घडलेल्या या घटनांमुळे पालकांमध्ये चिंतेचे वातावरण असून पोलीस तपास सुरू आहे.