नेरूळ, ता. २६ (बातमीदार) : कोपरखैरणे सेक्टर २३ येथील जलकुंभ बांधकामासाठी निविदा प्रसिद्ध करून काम तत्काळ सुरु करण्याची मागणी शिवसेनेचे युवा नेते सुनिकेत हांडेपाटील यांनी महापालिका प्रशासनाकडे निवेदनातून केली आहे. या परिसरातील वाढती लोकसंख्या लक्षात घेता नियमित व पुरेसा पाणीपुरवठा होणे आवश्यक आहे. सध्या उपलब्ध पाणीसाठा अपुरा पडत असल्याने नागरिकांना टंचाईचा सामना करावा लागत आहे. त्या अनुषंगाने २०२१ पासून महापालिकेकडे माझा पाठपुरावा चालू होता. नवी मुंबई महापालिका निवडणूक आचारसंहितेच्या एक दिवस अगोदर नवीन जलकुंभ बांधण्यासाठी प्रशासकीय मान्यता प्राप्त झाली. आचारसंहितेमुळे निविदा प्रसिद्ध करता आली नाही. आता निवडणुका झाल्या आहेत. जलकुंभ बांधकामासाठी निविदा प्रसिद्ध करण्यात यावी व निविदा प्रक्रिया पूर्ण करून प्रत्यक्ष कामास तत्काळ सुरुवात करण्यात यावी, अशी मागणी त्यांनी केली आहे.