मुरबाड, ता. २६ (वार्ताहर) : मुरबाड विधानसभा मतदारसंघातील कल्याण ग्रामीण भागातील मामनोली गावाला भरत दळवी युवा विकास मंच, मुरबाड विधानसभा यांच्या माध्यमातून नुकतेच दोन लाईट फोकस प्रदान करण्यात आले. गावातील सार्वजनिक कार्यक्रम व सुरक्षिततेच्या दृष्टीने ही सुविधा उपयुक्त ठरणार आहे. या उपक्रमासाठी महेश तपासे (राष्ट्रवादी शरद पवार पक्षाचे प्रदेश प्रवक्ते), अल्ताफ शेख (उद्धव ठाकरे पक्षाचे उपनेते), तसेच तालुकाध्यक्ष दीपक वाघचौडे, जीवन विशे आणि सामाजिक कार्यकर्ते संतोष पष्टे यांचे सहकार्य लाभले. कार्यक्रमावेळी मामनोली गावातील वसंत कोर, मिलिंद कोर, सुदाम गायकर, सुरेश बांगर आदी ग्रामस्थ उपस्थित होते.