सभागृहात मोबाईलचा वापर नको
महापौरांची नगरसेवकांना तंबी
सकाळ वृत्तसेवा
मुंबई, ता. २६ ः विविध समिती अध्यक्ष व सदस्यांची नावे महापौर रितू तावडे यांनी गुरुवारी सभागृहात जाहीर केली. या वेळी सभागृहात काही नगरसेवक मोबाईलवर बोलण्यात व्यस्त असल्याचे महापौर रितू तावडे यांच्या निदर्शनास येताच सभागृहात मोबाईलचा वापर नको, अशा शब्दात तंबी दिली.
आरोग्य, विधी, वृक्ष प्राधिकरण अशा विविध समिती अध्यक्ष व सदस्यांची नावे जाहीर करणे, सर्वपक्षीय नगरसेवकांनी ठरावाच्या सूचना मांडल्या होत्या. त्या मंजूर करणे अथवा फेटाळणे यासाठी गुरुवारी सभेचे आयोजन करण्यात आले होते. महापौर रितू तावडे विविध समिती अध्यक्ष व सदस्यांची नावे जाहीर करत असताना काही नगरसेवक मोबाईलवर बोलण्यात व्यस्त असल्याने महापौरांच्या निदर्शनास आले. त्याच वेळी महापौर रितू तावडे यांनी नगरसेवकांचे लक्ष वेधत सदस्यांनी मोबाईलवर बोलू नये या शब्दात तंबी दिली.
--------