मनसेतर्फे मराठी दिनानिमित्त स्वाक्षरी मोहिम
धारावी, ता. २८ फेब्रुवारी (बातमीदार) : महाराष्ट्रात २७ फेब्रुवारी हा दिवस जागतिक मराठी राजभाषा गुणगौरव दिन म्हणून साजरा केला जातो. यानिमित्ताने अनेक कार्यक्रम अनेक संस्था-संघटना व राजकीय पक्षांच्या वतीने राबविण्यात येतात. मनसेच्या वतीने धारावीत शीव स्थानकाबाहेर मराठी स्वाक्षरी मोहीम राबविण्यात आली. यावेळी स्थानकातील प्रवाशांनी आणि धारावीतील रहिवाशांनी मोहिमेत मोठ्या प्रमाणावर सहभाग घेतला होता.
मनसे अध्यक्ष राज ठाकरे व महाराष्ट्र नवनिर्माण विद्यार्थी सेनेचे अध्यक्ष अमित ठाकरे यांच्या आदेशाने दरवर्षीप्रमाणे यावर्षीही मराठी स्वाक्षरी मोहिम राबविण्यात आल्याचे कार्यक्रमाचे प्रमुख संयोजक, शाखाध्यक्ष व महाराष्ट्र नवनिर्माण विद्यार्थी सेनेचे विभाग अध्यक्ष जिगर मोरे यांनी सांगितले. मराठी माणसाने अभिमानाने आपले नाव व स्वाक्षरी मराठीतून करावी यासाठी हा कार्यक्रम घेण्यात आल्याचे मोरे यांनी सांगितले.
कार्यक्रमात मनसेचे विभागाध्यक्ष राजेश सोनवणे, ठाकरे गटाच्या नगरसेविका हर्षला मोरे, शीव स्थानक प्रबंधक संजीव कुमार, मनसेचे उपविभाग अध्यक्ष कौशिक कोळी, दीपक खारवी, ठाकरे गटाचे शाखा प्रमुख सतीश कटके, आनंद भोसले आदी मान्यवर सहभागी झाले होते. कार्यक्रम यशस्वी करण्यासाठी मनसेचे तरुण कार्यकर्ते आणि महिला कार्यकर्त्या यांनी मेहनत घेतली.