मोफत आरोग्य तपासणी शिबिर
शिवडी, ता. ३ (बातमीदार) ः वाहतूक चालकांमध्ये वाढत्या रक्तदाब आणि हृदयविकाराच्‍या झटक्‍यामुळे होणाऱ्या अपघातांचा धोका लक्षात घेता, महाराष्ट्र राज्य राष्ट्रीय कामगार संघाचे अध्यक्ष आमदार सचिन अहिर आणि सरचिटणीस गोविंदराव मोहिते यांच्या मार्गदर्शनाखाली, संघटनेच्या वाहतूक विभागाचे प्रमुख सुनील बोरकर यांच्या पुढाकाराने मोफत आरोग्य तपासणी शिबिर आयोजित करण्यात आले आहे. हे शिबिर मुंबई सेंट्रल रेल्वे टर्मिनसजवळ, काळी-पिवळी टॅक्सी चालकांसाठी, गुरुवारी (ता. ५) सकाळी ९ ते संध्याकाळी ४ वाजेपर्यंत चालणार आहे. येथे तज्ज्ञ डॉक्टरांच्या मार्गदर्शनाखाली रक्तदाब, हार्ट अटॅक, आणि इतर आरोग्य तपासण्या मोफत होणार आहेत. युनिट अध्यक्ष अकबर शेख, युनिट सेक्रेटरी दीनानाथ जयस्वाल, युनिट उपाध्यक्ष मोहम्मद अली, तसेच कार्यकर्ते हर्षद गुरव, परशुराम कांबळे, तसलीन खान, नरेंद्र गायकवाड आदी संघटक शिबिर यशस्वी करण्यासाठी कार्यरत आहेत. हा शिबिर परेलमधील आंबेकर श्रम संशोधन संस्थेच्या सहकार्याने पार पडत असून, विभागातील वाहतूक चालकांकडून त्याचे स्वागत होत आहे.