घरगुती वादातून पत्नीची हत्या
कासा (बातमीदार) ः घरगुती वादातून पतीने पत्नीची निर्घृण हत्या केल्याचा प्रकार डहाणू तालुक्यातील निकणे (हाडळपाडा) येथे घडला आहे. याप्रकरणी कासा पोलिस ठाण्यात गुन्हा दाखल करण्यात आला आहे.
मिळालेल्या माहितीनुसार, मयत अलका मेढाचा पती संजय मेढासोबत घरगुती कारणांवरून वारंवार वाद होते. शुक्रवारी (ता. ६) सकाळी झालेल्या वादाच्या पार्श्वभूमीवर संजयने पत्नी अलकाला लाकडी दांडक्याने अमानुष मारहाण केली. मारहाणीत तिचा घटनास्थळीच मृत्यू झाला. या प्रकरणात मृत महिलेचा भाऊ अजय तांबडाच्या (रा. रणकोळ, शेलकीपाडा) फिर्यादीनंतर पोलिसांनी गुन्हा दाखल केला होता.