महिलांसाठी मार्गदर्शन शिबिर
चेंबूर, ता. ११ : जागतिक महिला दिनानिमित्त रविवारी (ता. ८) राष्ट्रसेवा मुंबई दलातर्फे महिलांसाठी मार्गदर्शन शिबिराचे आयोजन करण्यात आले होते. सायन किल्ला परिसरात आयोजित या शिबिराला महिलांनी उत्स्फूर्त प्रतिसाद दिला. महिलांच्या समस्या तसेच जीवनातील विविध अडचणींवर कशाप्रकारे मात करावी, याबाबत या शिबिरात मार्गदर्शन करण्यात आले. या वेळी ॲड. निर्मला कु-हे, डॉ. लेखिका सनम शेख आणि हाफकिन इन्स्टिट्यूटमधील मानसी शिंदे यांनी महिलांना मोलाचे मार्गदर्शन केले. कार्यक्रमाच्या यशस्वी आयोजनासाठी लाफ्टर क्लब, योगा ग्रुप, सिंगर ग्रुप तसेच दीपिका जेस्वार आणि अरविंद एस. यांचे सहकार्य लाभले. मुंबई कार्यवाह चंद्रकांत म्हात्रे आणि स्वप्ना पाटील यांनी कार्यक्रम यशस्वी करण्यासाठी विशेष परिश्रम घेतले. या कार्यक्रमाला छात्र भारती संघटनेचे नीलेश झेंडे, गायक कुमार भारती, संभाजी सोनवणे, माजी मुख्याध्यापक पांडुरंग केंगार यांच्यासह महिला व सदस्य मोठ्या संख्येने उपस्थित होते.