नववर्ष स्वागताची भाईंदरमध्ये तयारी
भाईंदर (बातमीदार) : नववर्ष स्वागतयात्रा समितीकडून भाईंदर पश्चिमेला दोन ठिकाणांहून स्वागतयात्रा काढण्यात येणार आहे. पहिली यात्रा विनायकनगर येथून सुरू होईल. बालाजीनगर, मोदी पटेल रस्ता, नारायण नगरमार्गे साठ फुटी रस्त्यावरील गणेश मंदिरात समारोप होईल. तर दुसरी यात्रा चंद्रमौलेश्वर शिवालय मंदिरापासून भाईंदर सेकंडरी स्कूल, भाईंदर पोलिस ठाणेमार्गे साठ फूट रस्त्यावरील गणेश मंदिरात समारोप होईल. पारंपारिक वेशभूषेतील नागरिक, विविध सामाजिक संदेश देणारे चित्ररथ, ढोल, ताशे स्वागतयात्रेची वैशिष्ट्ये आहेत. पन्नासहून अधिक सामाजिक संस्था, विविध संघटना सहभागी होणार असून, जास्तीत जास्त नागरिकांनी स्वागतयात्रेत सहभागी व्हावे, असे आवाहन समितीने केले आहे.