अर्थसंकल्पात ८३ कोटींची वाढ
स्थायी समितीकडून महापौरांकडे सादर
विरार, ता.२१(बातमीदार)ः वसई-विरार पालिकेला २०२६-२७ आर्थिक वर्षाचा अर्थसंकल्प स्थायी समिती सभापती प्रवीण शेट्टी यांनी महापौर अजीव पाटील यांना सादर केला. यावेळी ८३ कोटीची वाढ करण्यात आली आहे.
महापालिकेचे २०२६-२७ आर्थिक वर्षासाठीचे अर्थसंकल्पीय अंदाजपत्रक मागील आठवड्यात महापालिका आयुक्तांनी स्थायी समिती सभापती प्रविण रोष्ट्टी यांच्याकडे सादर केले होते. सोमवारी स्थायी समिती सदस्यांच्या विविध सूचना तसेच अर्थसंकल्पात बदल सुचवण्यात आले होते. त्यानुसार अंदाजपत्रकात मालमत्ता कर, पाणीमध्ये वाढ सुचविली होती. या सूचना विचारात घेऊन दुसरीकडे विविध विषयांवर सुधारित अर्थसंकल्प स्थायी समिती सभापती प्रवीण शेट्टी यांनी महासभेत महापौर अजीव पाटील यांच्याकडे सादर केला आहे. =================================
मुख्य तरतूदी
- पालिकेची आरोग्य केंद्रे, आरोग्य सेवा अधिक जलद
- सार्वजनिक दिवाबत्तीसाठी तरतूद
- प्रशासकीय इमारतीच्या वीज देयकांत खर्च कपात
- उद्यान, तलाव परिसरातील सौर ऊर्जा प्रकल्पासाठी ११२ कोटींची तरतूद
- आर्थिकदृष्ट्या दुर्बल घटकांना पौष्टिक जेवण
- ज्येष्ठ नागरिकांसाठी विरंगुळा केंद्र