Latest Marathi News Update: दिवसभरातील महत्त्वाच्या घडामोडी वाचा एका क्लिकवर...

अखेर ७ तासानंतर अशोक खरातची SIT चौकशी संपली असून SIT टीमकडून खरातचे जबाब घेण्यात आले आहेत..रुपाली चाकणकर यांच्या राजीनाम्यानंतर राष्ट्रवादी काँग्रेस पक्षाची महत्त्वाची बैठक सुरु आहे. चाकणकर यांच्याकडील पक्षाची पदं काढून घेतली जाऊ शकतात..बिजू जनता दलाने, अलीकडेच झालेल्या राज्यसभा निवडणुकीत पक्षाच्या विरोधात मतदान (क्रॉस-व्होटिंग) करण्यासह पक्षविरोधी कारवायांमध्ये सहभागी असल्याच्या कारणावरून, सहा आमदारांना तात्काळ प्रभावाने निलंबित केले आहे..पश्चिम बंगालच्या मुख्यमंत्री ममता बॅनर्जी यांनी आज कोलकाता येथे पश्चिम बंगालचे राज्यपाल आर. एन. रवी यांची भेट घेतली..मुंबई क्राईम ब्रांचने रोहित शेट्टी फायरिंग प्रकरणातील १४ वा आरोपी गोलू पंडित याला उत्तर प्रदेशातून ताब्यात घेतले आहे. ही कारवाई यूपी एसटीएफच्या मदतीने करण्यात आली. आरोपीला मुंबईत आणले जात असून उद्या न्यायालयात हजर करण्यात येणार आहे. .उत्तर प्रदेशचे मुख्यमंत्री योगी आदित्यनाथ यांनी लखनौ येथे उत्तर प्रदेश गौ सेवा आयोगाच्या बैठकीचे अध्यक्षस्थान भूषवले आहे..इस्रायलमध्ये संशयित इराणी 'क्लस्टर बॉम्ब' हल्ल्यात बालवाडीचे नुकसान झाले आहे. अनेक जण जखमी झाले आहेत. .मुलुंडच्या सिनेमागृहात कर्मचाऱ्याने चाकूचा धाक दाखवून धमकी दिल्याचा आरोप आहे. मनविसेचे विभाग अध्यक्ष प्रवीण राऊत आक्रमक, खळखट्याक आंदोलनाचा इशारा दिला आहे. सिनेमागृहाच्या कारभावरून मनसे आक्रमक, पोलिसांचाबंदोबस्त तैनात करण्यात आला आहे..अमेरिका-इराण युद्धामुळे निर्यात होणाऱ्या केळी, द्राक्ष, डाळींबाचे मोठे नुकसानफलोत्पादन मंत्री भरत गोगावलेंनी माढा तालुक्यातील सुरली, अकोले, आढेगावात केली फळबागांची पाहणीयुद्धामुळे अनेक जहाजं बंदरावर अडकून पडलीनिर्यात बंद झाल्यामुळे शेतकरी मोठ्या संकटात.गॅस सिलेंडरच्या तुटवड्यामुळे बाजारात इंडक्शन व इलेक्ट्रिक शेगडीची मागणी वाढलीजळगावच्या होलसेल बाजारात इंडक्शन व इलेक्ट्रिक शेगड्यांचा तुटवडाऑर्डर देऊनही आठ दिवस उलटले तरीही इंडक्शन तसेच इलेक्ट्रिक शेगडी मिळत नाही, विक्रेत्यांची माहिती.राजारामपुरीच्या 9 व्या गल्लीत एका मिसळ सेंटरवर आलेल्या ग्राहक आणि स्थानिकांमध्ये वाद झाला. स्थानिकांच्या घरासमोर तरुणांनी गाडी पार्क केल्यामुळे वादाला सुरुवात झाली. गाडी काढल्यामुळे तरुणांच्या जमावाने स्थानिक व्यक्तीला मारहाण केल्याचे सीसीटीव्हीत कैद झाले आहे. तरुणांनी चारचाकी वाहनांची तोडफोड करत बिअर बॉटल सुद्धा फोडल्याचे व्हिडिओमध्ये दिसत आहे..जिल्ह्यातील शांतता आणि सुव्यवस्था कायम ठेवण्यासाठी नंदुरबार जिल्हा पोलीस दल सण आणि उत्सवांच्या काळात पूर्णपणे सज्ज झाले आहे. या तयारीचा एक भाग म्हणून शहरातील संवेदनशील भागांमध्ये दंगा नियंत्रण पथकाद्वारे रोमांचक प्रात्यक्षिके सादर करण्यात आली. उपविभागीय पोलीस अधिकारी संजय महाजन यांच्या नेतृत्वाखाली ही मोहीम राबवण्यात आली. पोलीस प्रशासन कोणत्याही अनुचित प्रकाराला कसे समर्थपणे तोंड देऊ शकते, याचे प्रदर्शन या प्रात्यक्षिकातून करण्यात आले. त्यानंतर पथकाने शहराच्या मुख्य मार्गांवरून रूट मार्च काढला..रेशीमबाग येथील डॉ. हेडगेवार स्मृती मंदिरात तीन दिवसांची युवा संसद परिषद आयोजित करण्यात आली आहे. या परिषदेत देशभरातील 800 हून अधिक विद्यार्थी सहभागी झाले आहेत. उपराष्ट्रपती सी.पी. राधाकृष्णन यांनी स्मृती मंदिरातील डॉ. हेडगेवार आणि गोळवलकर गुरुजी यांच्या स्मृतींना अभिवादन केले. यावेळी राज्यपाल जिष्णू देव वर्मा देखील उपस्थित होते..महिला आयोगाच्या अध्यक्षा रूपाली चाकणकर यांच्यावर करुणा मुंडे यांचे गंभीर आरोपकरुणा मुंडे रेणू शर्मा पूजा चव्हाण या महिलांना तुम्ही न्याय दिला नाहीअशोक खरात प्रकरणात योग्य कारवाई न केल्याचा आरोपअनेक तक्रारी असूनही महिला आयोग निष्क्रिय राहिल्याचा दावाकाही राजकीय नेत्यांविरोधातील तक्रारींवर काय कारवाई केली? – करुणा मुंडे यांचा सवालमहिला आयोगाच्या पदाची प्रतिष्ठा राखली नाही, अशी टीकाप्रकरणांची निष्पक्ष चौकशी करण्याची मागणी.कुर्ला पश्चिम येथील जैन मंदिराजवळ राहणाऱ्या प्रवीण मतकर यांनी त्यांच्या पेशाने वकिल असलेल्या मुलीच्या लग्नाचे नवीन दागिने बनवण्यासाठी त्यांच्याच शेजारी राहणाऱ्या सुकेंदू सामंता आणि त्यांची पत्नी मधुमिता सामंता यांना त्यांच्या आईचे सुमारे २० तोळे वजनाचे जुने दागिने दिले. महिन्याभरात नवीन दागिने बनवून देतो असे मतकरांना सांगितले. मात्र १७ फेब्रुवारीच्या पहाटे सुकेंदू आणि मधुमिता सहकुटुंब त्यांच्या राहत्या घरातून रफूचक्कर झाल्याचं मतकर यांना समजले. मतकर यांच्या सोबत आणखी ही ३-४ ग्राहक आणि ज्वेलर्स चे एकूण तब्बल ५० तोळे सोने घेऊन सुकेंदू आणि मधुमिता पसार झालेत. मतकर यांनी तात्काळ कुर्ला पोलीस ठाण्यात धाव घेतली. पोलीसांनी सुरवातीला तक्रार अर्ज दाखल करून १८ मार्च रोजी FIR दाखल केला. पोलीस आता या बंटी-बब्ली सुकेंदू आणि मधुमिताचा शोध घेत आहेत. .कांदिवली पश्चिम पोईसर परिसरातील मदीना मशिदीत वादईदपूर्वी घडलेल्या घटनेमुळे परिसरात चिंतेचे वातावरणएका तरुणाला मारहाण करून जखमी केल्याचा आरोपसंपूर्ण घटना CCTV कॅमेऱ्यात कैदकाही लोकांकडून मशिदीत प्रवेशावर निर्बंध घातल्याचा आरोपट्रस्टशी संबंधित काही व्यक्तींवर आर्थिक अनियमिततेचे आरोपझकात निधीच्या व्यवहाराबाबतही प्रश्नचिन्हघटनेनंतर स्थानिकांकडून निष्पक्ष चौकशीची मागणीकांदिवली पोलिसांनी दोन्हीही गटांना नोटीसा देऊन शांततेचे केले आवाहन.* मुंबई विमानतळावर स्टाफ आणि प्रवाशांमध्ये वाद* दोघांमध्ये जोरदार तू-तू मैं-मैं झाल्याची घटना* विमानतळावरील स्टाफकडून प्रवाशाला हिंदीत बोलण्यास सांगितल्याचा दावा* यावरून वाद अधिक चिघळल्याची माहिती* दुसऱ्या महिलेकडून “तुम कौन होते हो मराठी में बात करने के लिए?” असा सवाल* संपूर्ण प्रकाराचा व्हिडिओ सोशल मीडियावर व्हायरल* घटनेनंतर पुन्हा एकदा भाषेच्या मुद्द्यावर चर्चा सुरू.पंढरपुरात वादळी वाऱ्यामुळे द्राक्ष बागेचे नुकसानएंकर - वादळी वार्यासह झालेल्या गारपिटीमुळे पंढरपूर तालुक्यातील बार्डी येथील शेतकरी दत्तात्रय डोंगरे यांची पाच एकर द्राक्ष बाग कोलमडून पडली आहे.यामध्ये लाखो रूपयांचे नुकसान झाले आहे.मनसे शेतकरी संघटनेचे जिल्हाध्यक्ष महादेव मांडरे यांनी नुकसान झालेल्या बागेची पाहणी करून सरकारने तत्काळ शेतकय्रांना मदत करावी अशी मागणी केली आहे.दोन तीन दिवसांपासून सोलापूर जिल्ह्यात वादळी वारे आणि गारपिटी सुरू आहे. अनेक शेतकय्रांना याचा मोठा फटका बसला आहे..पंढरपुरात वादळी वाऱ्यामुळे द्राक्ष बागेचे नुकसानएंकर - वादळी वार्यासह झालेल्या गारपिटीमुळे पंढरपूर तालुक्यातील बार्डी येथील शेतकरी दत्तात्रय डोंगरे यांची पाच एकर द्राक्ष बाग कोलमडून पडली आहे.यामध्ये लाखो रूपयांचे नुकसान झाले आहे.मनसे शेतकरी संघटनेचे जिल्हाध्यक्ष महादेव मांडरे यांनी नुकसान झालेल्या बागेची पाहणी करून सरकारने तत्काळ शेतकय्रांना मदत करावी अशी मागणी केली आहे.दोन तीन दिवसांपासून सोलापूर जिल्ह्यात वादळी वारे आणि गारपिटी सुरू आहे. अनेक शेतकय्रांना याचा मोठा फटका बसला आहे..19 मार्चला झालेल्या अवकाळी वादळ आणि पावसाचा फटका नंदुरबार जिल्ह्याला बसला आहे. 101 गावं यामध्ये बाधित झाली असून 291.76 हेक्टर क्षेत्रातील पिकांचं नुकसान झालं आहे. सगळ्यात जास्त नुकसान ज्वारी पिकाचं असून त्या खालोखाल केळी पिकाचं नुकसान झालं आहे. .जागतिक अनिश्चितता आणि सोन्याच्या गगनाला भिडलेल्या किमतींवर मात करत, पी.एन. गाडगीळ (पीएनजी) ज्वेलर्सने आर्थिक वर्ष २०२५-२६ मध्ये १०,००० कोटी रुपयांच्या महसुलाचा ऐतिहासिक टप्पा गाठला आहे. कंपनीच्या या कामगिरीने सोने व्यवसायातील तिची प्रबळ स्थिती पुन्हा एकदा अधोरेखित केली आहे. मागील वर्षाच्या तुलनेत यात ३८ टक्क्यांची मोठी वाढ झाली आहे.महसूलात १०,००० कोटी रूपयांचा टप्पा पार करणे हा कंपनीच्या प्रवासातील महत्त्वाचा क्षण असून, ग्राहकांचा दृढ विश्वास आणि कंपनीच्या कर्मचाऱ्यांच्या अथक समर्पणाचा हा पुरावा आहे, असे या संबंधाने पीएनजी ज्वेलर्सचे अध्यक्ष व व्यवस्थापकीय संचालक डॉ. सौरभ गाडगीळ म्हणाले. युद्धामुळे सोन्याचे भाव वाढू शकतात कमी होऊ शकतात असा विश्वास गाडगीळ यांनी व्यक्त केला. त्यामुळे सोन्यामध्ये गुंतवणूक केली तर ती भविष्यात आहे त्याची ठरू शकते त्याचबरोबर सोनही दोन लाखांपर्यंत भविष्यात जाऊ शकतं असा विश्वास त्यांनी व्यक्त केला. .जालना जिल्ह्यातील भोकरदन जिल्ह्यातील 26 वर्षीय तरुणाने विषारी औषध पिऊन आयुष्य संपवलं. लग्न होत नाही या नैराश्यातून त्याने हे टोकाचं पाऊल उचललं. .रुपाली चाकणकर यांनी राजीनामा दिल्यानंतर उपमुख्यमंत्री सुनेत्रा पवार यांनीही सोशल मीडियावर ट्विट करत माहिती दिलीय. अशोक खरात प्रकरणी चौकशीच्या पार्श्वभूमीवर रुपाली चाकणकर यांनी पदाचा त्याग केल्याचं म्हटलं. तसंच त्यांचा राजीनामा मुख्यमंत्र्यांकडे पाठवला असल्याचंही ट्विटमध्ये म्हटलं आहे..भोंदूगिरी करणाऱ्या अशोक खरातबद्दल तक्रार दाखल होताच पोलिसांकडून त्याचा शोध घेतला जात होता. दरम्यान त्याने पोलिसांनाच धमकी दिल्याचं उघड झालं आहे. तुम्ही मला अटक केलीत तर तुमच्यावर कोप होईल अशा शब्दात खरातनं धमकी दिली होती..सांगली आणि मिरज मध्ये चिकनच्या दराने आजवरचे सर्व रेकॉर्ड मोडले आहे. वाढत्या उन्हामुळे पक्षी उत्पादनात घट होत आहे. उत्पादनामध्ये मोठी घट झाल्यामुळे याचा परिणाम पोल्ट्री व्यवसाय आणि चिकन दुकानात जाणवत आहे. .सातपुड्यात झालेल्या जोरदार वादळी वाऱ्यामुळे खडकला खुर्द येथील जिल्हा परिषद शाळेचे पत्र्याचे छत पूर्णपणे उडून गेले. 1995 मध्ये बांधलेली ही इमारत आधीच जीर्ण झाली होती, मात्र आता छत नसल्याने विद्यार्थ्यांवर उघड्यावर बसण्याची वेळ आली आहे.भर उन्हात शाळा भरवणे कठीण झाल्याने पालक आणि विद्यार्थ्यांमध्ये चिंतेचे वातावरण आहे..उत्तर प्रदेशातील गाझियाबाद जिल्ह्यातील पोलिसांनी सात राज्यांमध्ये दहशतवादी हल्ले करण्याचा कट उधळून लावला आहे. दहशतवादी टोळीच्या नऊ सदस्यांना अटक करण्यात आली असून, त्यात पाच अल्पवयीन मुलांचा समावेश आहे. आतापर्यंत या टोळीच्या १५ सदस्यांना अटक करण्यात आली आहे. .नाशिकच्या मालेगाव शहरात रमजान ईद (उल-फित्र) मोठ्या उत्साहात आणि शांततेत साजरी करण्यात आली. शहरातील पोलिस कवायत मैदानासह एकूण १२ ईदगाह मैदानांवर सामूहिक नमाज पठण करण्यात आले. नमाजनंतर मुस्लिम बांधवांनी एकमेकांना आलिंगन देत ईदच्या शुभेच्छा दिल्या. देशात सुख-शांती आणि राष्ट्रीय एकात्मता वृद्धिंगत व्हावी यासाठी विशेष प्रार्थना करण्यात आली. ईदच्या पार्श्वभूमीवर पोलिसांकडून कडक बंदोबस्त ठेवण्यात आला असून, सुरक्षेसाठी सीसीटीव्ही कॅमेरेही लावण्यात आले होते..मुंबई-नाशिक महामार्गावर शिर्डीकडे पायी जात असलेल्या साईभक्तांना भरधाव कारने मागून जोरदार धडक दिल्याने गंभीर अपघात झाला. कसारा बायपासजवळ घडलेल्या या घटनेत पाच साईभक्त जखमी झाले असून, त्यापैकी एकाचा मृत्यू झाला आहे, तर चार जण गंभीर जखमी आहेत. बायपासजवळ उभ्या असलेल्या वाहनाला मागून आलेल्या कारने धडक दिली, त्यामुळे ते वाहन पुढे जाऊन साईभक्तांवर आदळले. जखमींपैकी तीन जणांना नाशिक जिल्हा रुग्णालयात, तर एका जखमीला एसएमबीटी रुग्णालयात उपचारासाठी दाखल करण्यात आले आहे..पुण्यात गुन्हे शाखा ७ कडून मोठी कारवाई करत तब्बल ७२ किलो गांजा जप्त करण्यात आला आहे. या अंमली पदार्थाची किंमत सुमारे १९ लाख ९३ हजार ८०० रुपये असल्याचे सांगितले जात आहे. पोलिसांना माहिती मिळाली होती की, पांढऱ्या रंगाच्या स्विफ्ट डिझायर कारमधून पिवळ्या नंबर प्लेटसह गांजाची वाहतूक केली जाणार आहे. त्यानुसार बोल्हाईमाता मंदिराजवळ, केसनंद-वाडेबोल्हाई परिसरातील वाघोली टेकडीजवळ सापळा रचण्यात आला. कारची तपासणी केली असता डिकीत चार पोत्यांमध्ये २९ प्लास्टिक पॅकेटमध्ये गुंडाळलेला सुमारे ५८.५८ किलो गांजा आढळून आला. या कारवाईत अंमली पदार्थासह स्विफ्ट कार असा एकूण सुमारे १७ लाखांचा मुद्देमाल जप्त करण्यात आला..छत्रपती संभाजीनगर शहरात रमजान ईद आज मोठ्या उत्साहात साजरी केली जात आहे. ईदनिमित्त मुस्लिम बांधवांनी आज सकाळी सामूहिक नमाज अदा करून एकमेकांना आलिंगन देत शुभेच्छा दिल्या. शहरातील प्रमुख छावणी ईदगाह येथे हजारोंच्या संख्येने मुस्लिम बांधव एकवटले होते..ईश्वरपूर : शेअर मार्केटमध्ये गुंतवणूक करून अधिक परतावा देण्याचे आमिष दाखवत फसवणूक केल्याप्रकरणी न्यायालयाने एका व्यक्तीस एक वर्ष साधी कारावास व चार लाख रुपये दंडाची शिक्षा सुनावली. सुनील बाबासो आंबी (रा. जुनेखेड, ता. वाळवा) यांनी विकास दादू हटकर (रा. बाचणी (केंवळी), ता. कागल, जि. कोल्हापूर) याला डिसेंबर २०२१ मध्ये शेअर बाजारात गुंतवणुकीसाठी तीन लाख रुपये दिले होते. ही रक्कम नफ्यासह परत देण्याचे आश्वासन आरोपीने दिले होते. मुदत संपल्यानंतर फिर्यादीने रक्कम मागितल्यानंतर आरोपीने बँक ऑफ इंडिया, बाचणी शाखेतील खात्यावरून तीन लाख रुपयांचा धनादेश दिला. मात्र, तो वटविण्यासाठी दिल्यानंतर अनादरित (बाउन्स) झाला. त्यानंतर नोटीस देऊनही रक्कम न दिल्याने फिर्यादीने इस्लामपूर न्यायालयात दावा दाखल केला. याप्रकरणाची सुनावणी प्रथमवर्ग न्यायदंडाधिकारी व्ही. ए. जाधव यांच्यासमोर झाली. न्यायालयाने आरोपीस एक वर्षाचा साधी कारावास व चार लाख रुपये दंडाची शिक्षा सुनावली..सांगली : सांगली शहरातील मुख्य म्हणजेच, माधवनगर रस्ता येथील ४५० एम. एम. जलवाहिनीला आज गळती लागली. महापालिकेतर्फे दुरुस्तीचे काम हाती घेतले आहे. रात्री उशिरापर्यंत दुरुस्तीचे काम पूर्ण होईल, असे महानगरपालिकेतर्फे कळविण्यात आले आहे. याचवेळी काही भागात पाणी जपून वापरण्याचे आवाहन करण्यात आले..बुलढाणा जिल्ह्यातील मोताळा तालुक्यातील पिंपळपाटी येथे वादळी वाऱ्यासह झालेल्या दमदार पावसाने शेतकऱ्यांचे मोठे नुकसान केले. विशेषतः मका पिकाला मोठा फटका बसला असून शेतात उभे असलेले पीक आडवे पडल्याने शेतकरी हतबल झाला आहे..कोल्हापूर : दख्खनचा राजा जोतिबा देवाच्या यात्रेला राज्यातून तसेच परराज्यातून लाखो भाविक येतात. त्यांच्या प्रवासाच्या सोयीसाठी यंदातरी जादा रेल्वेची सोय होणार का, असा प्रश्न परजिल्ह्यातील भाविकांकडून विचारला जात आहे. राज्यातील अन्य मोठ्या यात्रा किंवा उत्सवांसाठी रेल्वे प्रशासन जादा रेल्वेगाड्यांची सोय करते; मात्र दरवर्षी भरणाऱ्या जोतिबा यात्रेसाठी जादा रेल्वे गाड्या सोडण्याचे रेल्वे प्रशासनाला वावडे आहे का, असा सवाल भाविकांतून उपस्थित केला जात आहे..खटाव : डॉ. प्रिया शिंदे यांची जिल्हा परिषदेच्या अध्यक्ष म्हणून निवड झाल्याची बातमी दुपारी समजताच खटावमध्ये जल्लोष करण्यात आला. सायंकाळी गावातून भव्य मिरवणूक काढण्यात आली. यावेळी कार्यकर्त्यांनी दिलेल्या ‘डॉ. प्रिया शिंदे यांचा विजय असो’, ‘डॉ. प्रिया तुम आगे बढो, हम तुम्हारे साथ हैं’, अशा घोषणांनी संपूर्ण गाव दुमदुमून गेले. .पुणे : ‘‘अन्नदाता शेतकरी आज चेष्टेचा, उपहासाचा विषय ठरला आहे. हाच शेतकरी जोवर सन्मानाचा, प्रतिष्ठेचा विषय होत नाही, तोवर आमचा लढा आणि संघर्ष सुरूच राहील, असे प्रतिपादन माजी खासदार आणि स्वाभिमानी शेतकरी संघटनेचे नेते राजू शेट्टी यांनी केले. .खडकवासला : सिंहगड किल्ल्याच्या संवर्धन आणि सर्वांगीण विकासासाठी राज्य सरकारने ‘समग्र सिंहगड किल्ला व परिसर विकास योजना’ प्रस्तावित केली असून, विकास आराखडा अंतिम टप्प्यात आहे. यासंदर्भात सांस्कृतिक कार्यमंत्री आशिष शेलार यांनी विधानसभेत लेखी उत्तर दिले. सिंहगडाच्या दुरवस्थेबाबत आमदार भीमराव तापकीर यांनी विधानसभेत तारांकित प्रश्न उपस्थित केला होता. त्यावर उत्तर देताना मंत्री शेलार यांनी गडाच्या संवर्धन व विकासाची कामे नियोजनबद्धपणे सुरू असल्याचे सांगितले..नवी दिल्ली : पश्चिम आशियातील वाढत्या तणावामुळे आणि आंतरराष्ट्रीय बाजारातील अस्थिरतेमुळे देशांतर्गत इंधनदरांवर त्याचे परिणाम दिसू लागले आहेत. तेल कंपन्यांनी उच्च कार्यक्षमतेच्या (प्रीमियम) पेट्रोलच्या दरात दोन रुपयांनी वाढ केली आहे. त्यामुळे लक्झरी गाड्यांचा वापर करणाऱ्यांच्या खर्चात भर पडणार आहे. तूर्तास, सर्वसाधारण पेट्रोल आणि डिझेलच्या किमतीत कोणतीही वाढ झालेली नाही. .स्वयंघोषित कॅप्टन अशोक खरात प्रकरणात नवा ट्विस्ट समोर आला असून, माजी मंत्री दीपक केसरकर यांचे निकटवर्तीय दीपक लोंढेची विशेष तपास पथकाकडून (SIT) कसून चौकशी करण्यात आली आहे. दीपक लोंढे सध्या SIT चौकशीच्या फेऱ्यात असून, त्यांच्या चौकशीतून महत्त्वाची माहिती समोर येण्याची शक्यता व्यक्त केली जात आहे. SIT टीमने त्याची सविस्तर विचारपूस करत आर्थिक व्यवहार आणि संपर्क जाळ्याचा मागोवा घेतला. मिळालेल्या माहितीनुसार, लोंढे हे सिन्नर परिसरात जमीन खरेदी-विक्रीच्या व्यवसायात सक्रिय आहेत. त्यांच्या व्यावसायिक व्यवहारांचा आणि अशोक खरात यांच्याशी असलेल्या संबंधांचा तपास सध्या सुरू आहे..सांगली : मोठ्या खंडानंतर आज अखेर कोयना धरणाच्या नदी विमोचकातून विसर्ग सुरू करण्यात आला. त्यामुळे आता धरणातून एकूण विसर्ग ३६०० क्युसेक झाला आहे. दोन दिवसांत पाणी सांगलीपर्यंत येणार आहे. नदीकाठी निर्माण झालेली पाणीबाणी आता होणार असून, सिंचन योजना पूर्ण क्षमतेने चालविल्या जाणार आहेत. .Latest Marathi Live Updates 21 March 2026 : मुख्यमंत्री देवेंद्र फडणवीस यांच्या हस्तक्षेपानंतर, नाशिक येथील भोंदूबाबा अशोक खरात प्रकरणी राष्ट्रवादी काँग्रेसच्या नेत्या आणि महिला आयोगाच्या अध्यक्षा रूपाली चाकणकर यांनी आयोगाच्या अध्यक्षपदाचा राजीनामा दिला. राष्ट्रवादी काँग्रेस पक्षाच्या अध्यक्ष आणि उपमुख्यमंत्री सुनेत्रा पवार यांच्याकडे चाकणकर यांनी त्यांचा राजीनामा सुपूर्द केला आहे. याशिवाय देश-राज्यातील इतर महत्त्वाच्या घडामोडी, वाहतूक कोंडी, राजकीय हालचाली, क्रीडा, मनोरंजन आणि मान्सूनविषयक अपडेट्स यांची सविस्तर माहिती एका क्लिकवर उपलब्ध आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Update: दिवसभरातील महत्त्वाच्या घडामोडी वाचा एका क्लिकवर...

Nashik Live: सात तासानंतर अशोक खरातची SIT चौकशी संपली

Related Stories

Latest Marathi News Live Update : महाराष्ट्रासह देशभरातील महत्त्वाच्या घडामोडी वाचा एका क्लिकवर...; पाहा कुठे काय घडलं?

Latest Marathi News Update: राज्य आणि देशात विदेशात कुठे काय घडलं? जाणून घ्या...

Latest Marathi News Update: देशविदेशात दिवसभरात काय काय घडलं जाणून घ्या एका क्लिकवर...