एमपीएडच्या सीईटीला
आजपासून सुरुवात

मुंबई, ता. २३ : राज्य सामायिक प्रवेश परीक्षा कक्षातर्फे शैक्षणिक वर्ष २०२६-२७साठी घेतल्या जाणाऱ्या पदव्युत्तर शारीरिक शिक्षण (एमपीएड) अभ्यासक्रमाच्या सीईटी प्रवेश परीक्षेला मंगळवारपासून (ता. २४) सुरुवात हाेणार आहे. एमपीएडच्या सीईटीसाठी २,५२५ विद्यार्थ्यांनी नोंदणी केली आहे. यामध्ये १,७८० पुरुष व ७४५ महिला आहेत. या वर्षीच्या नोंदणीत १९ अनाथ विद्यार्थीही एमपीएडची प्रवेश परीक्षा देणार आहेत.
या वर्षी १६ मेपर्यंत १७ पदवी आणि पदव्युत्तर अभ्यासक्रमाच्या प्रवेशासाठी प्रवेश परीक्षा हाेणार आहेत. या वर्षी १७ लाख ६३ हजार विद्यार्थी सीईटी परीक्षा देणार आहेत. मागील वर्षीच्या तुलनेत यंदा परीक्षेला बसणाऱ्या उमेदवारांची संख्या तब्बल दाेन लाखांनी वाढली आहे. महाराष्ट्रातील पीसीबी, पीसीएम व एमबीए/एमएमएस या तीन अभ्यासक्रमांच्या विद्यार्थ्यांना प्रथमच सीईटीच्या दोन संधी उपलब्ध करून दिल्या आहेत, अशी माहिती तंत्रशिक्षणमंत्री चंद्रकांत पाटील यांनी दिली.