दुचाकी अपघतात एकाचा मृत्यू
पनवेल (वार्ताहर) : खांदा कॉलनीत एका दुचाकीचा भीषण अपघात झाल्याचे समोर आले आहे. या अपघातात दुचाकीचालकाला मृत्यू झाला असून सहप्रवासी गंभीर जखमी झाला आहे. गंगाराम विश्वकर्मा (वय ५०, रा. नवीन पनवेल) असे मृत्यू झालेल्याचे नाव आहे. शनिवारी (० दुपारी सव्वादोन वाजण्याच्या सुमारास ही घटना घडली.
खांदा कॉलनीकडून नवीन पनवेलच्या दिशेने गंगाराम विश्वकर्मा दुचाकीवरुन जात होते. यावेळी गंगाराम यांचे गाडीवरील नियंत्रण सुटल्याने दुचाकी रस्ता दुभाजकाला धडकली. या अपघातात गंगाराम यांचा मृत्यू झाला तर मागे बसलेले राम कामी गंभीर जखमी झाले आहेत. याप्रकरणी खांदेश्वर पोलिस ठाण्यात गंगाराम यांच्याविरोधात गुन्हा दाखल करण्यात आला आहे.