डॉ. किरण चचलानी यांना डॉ. एपीजे अब्दुल कलाम भारत पुरस्कार
पनवेल, ता. १ (बातमीदार) ः बॉस चक्की फ्रेश आटा आणि बॉस फूड्स प्रॉडक्ट्सचे संस्थापक डॉ. किरण चचलानी यांना प्रतिष्ठित डॉ. एपीजे अब्दुल कलाम भारत पुरस्कार प्रदान करण्यात आला. हा सन्मान कलाम यांच्या कुटुंबातील मान्यवरांच्या हस्ते प्रदान करण्यात आला असून, त्यांच्या उद्योग क्षेत्रातील उल्लेखनीय योगदानाची दखल घेत हा गौरव करण्यात आला. या सोहळ्यात कलाम कुटुंबातील एपीजेएमजे सलीम शेख आणि अब्दुल कलाम इंटरनॅशनल फाउंडेशनचे सचिव एपीजेएम जैनुलाबुदीन उपस्थित होते. याशिवाय जीएसटी विभागाचे अतिरिक्त आयुक्त अजय विलास वैद्य, कार्यक्रमाच्या आयोजिका सोनिया मेयर्स तसेच परीक्षक मंडळाचे सदस्य व सल्लागार डॉ. राकेश पोडुवाल यांनीही उपस्थिती लावली. दरम्यान, या सोहळ्याला अभिनेत्री कुनिका सदानंद यांची विशेष उपस्थिती लाभली.