माजी नगरसेवक श्याम पाटील यांचे निधन
कळवा, ता. १० (बातमीदार) : खारेगाव येथील शिवसेना विभागप्रमुख आणि माजी नगरसेवक श्याम नथू पाटील यांचे अल्पशा आजाराने निधन झाले. ते मेंदूच्या आजाराने त्रस्त होते. मागील पाच दिवसांपासून ठाण्यातील एका खासगी रुग्णालयात त्यांच्यावर उपचार सुरू होते. श्याम पाटील खारेगाव परिसरात अनेक विकासाची कामे केली आहेत. मागील काही वर्षांपासून ते शिवसेना विभागप्रमुख म्हणून काम पाहत होते. त्यांच्या अंत्यदर्शनासाठी शिवसेना कल्याण जिल्हाप्रमुख गोपाळ लांडगे यांच्यासह शिवसेना नगरसेवक व शिवसैनिकांनी खारेगाव येथील स्मशानभूमीत गर्दी केली होती.