परिवहन समितीवर बिनविरोध निवड

भाईंदर (बातमीदार) : परिवहन समितीच्या सदस्य निवडीसाठी १७ तारखेला निवडणूक होणार होती; मात्र उमेदवारी अर्ज दाखल करण्याच्या दिवशी सोमवारी (ता. १३) बाराच उमेदवारांनी अर्ज दाखल केले. त्यामुळे पालिकेच्या परिवहन समिती सदस्यांची बिनविरोध निवड झाली. १२ सदस्यांमध्ये भाजपचे १० सदस्य असून काजल सक्सेना, आदेश अग्रवाल, राजकुमार मिश्रा, राशीद अन्सारी, सुरेशचंद्र दुबे, प्रकाश जैन, कुलदीप सिंह, भारत बोहरा, आशीष लोढा, प्रशांत केळकर यांचा समावेश आहे. तर ऑस्टीन मेनेझेस, सद्दाम कुरेशी दोन सदस्य कॉँग्रेसचे आहेत. आता भाजपमधून सभापतिपदी कोणाची वर्णी लागते, याची उत्सुकता आहे.