मिरा-भाईंदरमध्ये गुरुवारी पाणीबाणी
भाईंदर, ता.२१ (बातमीदार): महाराष्ट्र औद्योगिक विकास महामंडळाने (एमआयडीसी) जांभुळ येथील जलशुद्धीकरण केंद्रातील बारवी गुरुत्ववाहीनी क्र.१, २ व ३ वर वाहिन्यांच्या देखभाल दुरुस्तीचे काम करण्याकरीता गुरुवारपासून शुक्रवार दुपारी १२ वाजेपर्यंत २४ तासांचा शटडाऊन घेतला आहे. या काळात एमआयडीसीकडून मिरा-भाईंदर शहराला होणारा पाणी पुरवठा पूर्णपणे बंद राहणार आहे. तसेच कमी दाबाने पुरवठा होणार असल्याने नागरीकांनी पाण्याचा वापर काटकसरीने करावा, असे आवाहन पाणी पुरवठा विभागाने केले आहे.