दादर येथे आजपासून बालकीर्तनकार महोत्सव

सकाळ वृत्तसेवा
मुंबई, ता. ६ : अखिल भारतीय कीर्तन संस्थेतर्फे गुरुवार, ७ ते शुक्रवार १५ मे २०२६ या कालावधीत दादर येथे बालकीर्तनकार महोत्सवाचे आयोजन करण्यात आले आहे.‌
मुंबईसह राज्याच्या विविध भागांतील तसेच गोवा राज्यातील १६ बालकीर्तनकार या महोत्सवात कीर्तन सेवा सादर करणार आहेत. हा कार्यक्रम अखिल भारतीय कीर्तन संस्थेच्या डी. एल. वैद्य मार्गावरील वास्तूत होणार आहे.
बालकीर्तनकार महोत्सवाची सुरुवात ७ मे रोजी समीक्षा कुर्टीकर (गोवा), ईश्वरी कांदोळकर (गोवा) यांच्या कीर्तनाने होणार आहे, तर १५ मे रोजी सर्वेशा चाकूरकर (पुणे), रघुराज निमकर (पुणे) यांच्या कीर्तनाने महोत्सवाचा समारोप होणार आहे. कीर्तन महोत्सवात कौमुदी साल्पेकर (नागपूर), आर्या परांजपे (पुणे), अवनी परांजपे (पुणे), आर्जवी वैद्य (नेरळ), स्वरा जगदाळे (मुंबई), मुद्रा सावंत (मुंबई), देवव्रत देशपांडे (नागपूर), श्रुती सावंत (मुंबई), स्मरण देशपांडे (मुंबई), आराध्या लक्रस (अकोला), स्वरांगी व्हरसाळे (अकोला), दीपा कडू (अकोला) हे बालकीर्तनकार सहभागी होणार आहेत.