ठाणे (बातमीदार) : घाटकोपर पश्चिम येथील परमकेशव बाग येथे ३१ मे रोजी सकाळी १० ते दुपारी ४ या वेळेत भव्य मोफत वैद्यकीय आणि रक्तदान शिबिर होणार आहे. आयएमएएनएबीएस, जेव्हीएम चॅरिटेबल फाउंडेशन आणि श्री गोहेलवाड विनायक मंडळ यांच्या संयुक्त विद्यमाने हा उपक्रम होणार असून ‘टीम समृद्धी’चा पाठिंबा लाभला आहे.
शिबिरात हिमोग्लोबिन, रक्तातील साखर, दीर्घकालीन साखर तपासणी, कोलेस्टेरॉल तपासणी; तसेच थायरॉईड तपासणीसह विविध रक्तचाचण्या मोफत करण्यात येणार आहेत. रक्तदाब, हृदय तपासणी, डोळ्यांची तपासणी, हाडांची घनता तपासणी, यकृत तपासणी, फुफ्फुस कार्यक्षमता तपासणी आणि श्रवणदोष तपासणीची सुविधाही उपलब्ध असणार आहे. विशेष सुविधा म्हणून पहिल्या ३० महिलांसाठी स्तन तपासणी आणि पहिल्या २५ महिलांसाठी गर्भाशय मुख तपासणीची व्यवस्था करण्यात आली आहे. यासोबतच रक्तदान मोहिमेद्वारे नागरिकांनी मोठ्या संख्येने सहभागी व्हावे, असे आवाहन आयोजकांनी केले आहे. अधिक माहितीसाठी ९३२६९०१९०२ किंवा ९३२४०६८१८६ या क्रमांकांवर संपर्क साधण्याचे आवाहन करण्यात आले आहे.