रेवदंडा, ता. १९ (बातमीदार) : गोळा स्‍टॉप भागात रेवदंडा ते अलिबाग हमरस्त्यावर शुक्रवारी (ता. १८) दुपारी बाराच्या सुमारास मुरूड आगाराची स्वारगेट-मुरूड ही बस मुरूड मार्गाकडे जात होती. या वेळी मधुरा वरसोलकर (७७) ही वृद्ध महिला रेवदंडा येथे डोळ्याच्या मोतीबिंदूची तपासणी करून मुख्य रस्त्यावरून पायी जात होत्‍या. या वेळी एसटीच्या धडकेत त्‍यांचा जागीच मृत्यू झाला आहे. वरसोलकर या बोर्लीतील मधला पाडा येथे राहण्यास असून याबाबत रेवदंडा पोलिस ठाण्यात विकास वरसोलकर (५०, रा. ताराबंदर, मुरूड) यांनी तक्रार दाखल केली. त्‍यानुसार पोलिसांनी एसटीचालक शरफुद्दीन करीम शेख (४५) याच्यावर गुन्हा दाखल केला आहे.